مارقۇم شەرزات پولاتتىڭ اكەسى كارجاۋباي نۇرىموۆ جەدەل جاردەم كولىگىمەن اۋرۋحاناعا جەتكىزىلدى، دەپ حابارلايدى "ادىرنا" ۇلتتتىق پورتالى.
ءوز-وزىنە قول جۇمساۋعا ارەكەت جاسايمىن دەپ قورقىتقاننان كەيىن، ونى پوليتسيا قىزمەتكەرلەرى ۇستاپ اكەتكەن ەدى. ول بىرنەشە ساعات بويى ەڭبەكشىقازاق اۋدانىنىڭ پوليتسيا بولىمشەسىندە بولدى. وندا قارجاۋباي نۇرىموۆپەن پسيحولوگتار جۇمىس ىستەدى. الايدا، ونىڭ جاعدايى جاقسارعان جوق.
كەيىنىرەك ونى جەدەل جاردەم كولىگىمەن اۋداندىق اۋرۋحاناعا جەتكىزگەن. قازىر ول دارىگەرلەردىڭ باقىلاۋىندا. ونىڭ جانىندا ادۆوكاتتارى بار.
كارجاۋباي نۇرىموۆقا قوعامدىق ءتارتىپتى بۇزۋ، بەيادەپ سوزدەر ايتۋ جانە ادامدارعا ءتيىسۋ بويىنشا اكىمشىلىك ءىس قوزعالدى. ءىستىڭ ماتەريالدارى سوتقا جىبەرىلدى. نۇرىموۆ 5-تەن 15 تاۋلىككە دەيىن قاماۋعا الىنۋى مۇمكىن.
