ىڭعايلى تولەم: ForteBank-ءتىڭ جاڭا بيزنەس شەشىمدەرى
قازاقستاندا قولما-قول اقشاسىز تولەم جاساۋ قارقىندى تۇردە دامىپ كەلەدى. 2024 جىلدىڭ قازان ايىنىڭ سوڭىنا قاراي اينالىمدا 80,6 ميلليون تولەم كارتاسى بولعان، بۇل ءبىر جىل بۇرىنعى كورسەتكىشكەن 9,7%-عا كوپ. ونىڭ ىشىندە 40,5 ملن كارتا بەلسەندى پايدالانىلعان. بۇل تۋرالى Ranking.kz جازدى.
ەلىمىزدە قازاقستاندىق جانە شەتەلدىك ەميتەنتتەردىڭ كارتالارى بويىنشا قولما-قول اقشاسىز تولەمدەر كولەمى دە وسۋدە. كورسەتكىش ون ايدا 132,4 تريلليون تەڭگەدەن استى، بۇل وتكەن جىلمەن سالىستىرعاندا 15,5%-عا ارتىق. تولەم كارتالارى ارقىلى اقشا اينالىمىنىڭ جالپى كولەمىندەگى قولما-قول اقشاسىز تولەمدەردىڭ ۇلەسى قازىردىڭ وزىندە 86,5%-عا جەتتى.
«قولما-قول اقشاسىز ترانزاكتسيالار سانى 10,4 ملرد-قا جەتتى، بۇل 2023 جىلدىڭ سايكەس كەزەڭىمەن سالىستىرعاندا 11,6%-عا ءوستى. تولەم كارتالارى بويىنشا بارلىق ترانزاكتسيادان قولما-قول اقشاسىز ترانزاكتسيالاردىڭ ۇلەسى 98,1% قۇرادى. بۇل — رەكوردتىق كورسەتكىش»،—دەپ جازادى Ranking.
بۇل رەتتە كارتامەن ەسەپتەسەتىن ساۋدا كومپانيالارىنىڭ قاتارى دا ارتىپ كەلەدى. ءۇشىنشى توقساننىڭ قورىتىندىسى بويىنشا ولاردىڭ سانى 1,1 ميلليوننان اسىپ، ءبىر جىل ىشىندە 22,7 پايىزعا ءوستى. ال بۇل كومپانيالاردان قولما-قول اقشاسىز تولەمدەردى قابىلدايتىن قۇرىلعىلار سانى 1,3 ميلليونعا جەتىپ، بىردەن 32,3 پايىزعا ءوستى.
وسىلايشا، قازاقستانداعى ەكۆايرينگ قىزمەتتەرى بارعان سايىن سۇرانىسقا يە بولىپ، تانىمال بولا تۇسۋدە. ايتا كەتەيىك، ەكۆايرينگ – بۇل بيزنەسكە POS-تەرمينالدار ارقىلى نەمەسە ونلاين رەجيمىندە تولەمدەردى قابىلداۋعا مۇمكىندىك بەرەتىن بانكتىك كارتالار ارقىلى تولەمدەردى قابىلداۋ پروتسەسى.
بۇل ينفراقۇرىلىمدى دامىتۋ ءۇشىن بانكتەر جاڭا ونىمدەردى ەنگىزىپ جاتىر، ولار كليەنتتەرگە دە، كاسىپكەرلەرگە دە ىڭعايلى. مىسالى، ForteBank جاڭا POS-تەرمينالدارىن جانە ءموبيلدى قوسىمشا FortePOS-تى ۇسىنادى. بۇل قوسىمشا قاراپايىم Android سمارتفونىن ءموبيلدى تەرمينالعا اينالدىرىپ، كارتالارمەن تولەم قابىلداۋعا مۇمكىندىك بەرەدى، سونداي-اق ApplePay, SamsungPay جانە GooglePay ارقىلى دا تولەمدەر قابىلداۋعا بولادى. تەرمينالدار كاسسالىق جۇيەلەرمەن، تولەمدەردىڭ فيسكاليزاتسياسىمەن بىرىكتىرىلگەن جانە كليەنتتەر ءۇشىن قولجەتىمدى تاريفتەردى ۇسىنادى. جەكە كاسىپكەرلەر ءۇشىن ForteBank كارتالارىمەن تولەمدەرگە 0,5%، باسقا بانكتەردىڭ كارتالارىمەن تولەمدەرگە 0,8% مولشەرىندە كوميسسيا بەلگىلەنگەن، سونداي-اق زاڭدى تۇلعالارعا دا ءتيىمدى شارتتار بار. ودان بولەك، ForteBank ەكۆايرينگ بويىنشا قاراجاتتى كۇن سايىن، سونىڭ ىشىندە دەمالىس جانە مەرەكە كۇندەرى دە ەسەپتەيدى. قىزمەتتەرگە ونلاين قوسىلۋعا بولادى. ءوتىنىشتى ءموبيلدى قوسىمشا ForteBusiness ارقىلى نەمەسە بانك سايتىنا كىرىپ بەرە الاسىز.
بۇل شەشىمدەر شاعىن جانە ورتا بيزنەس پەن جەكە كاسىپكەرلەرگە كەڭىنەن قولجەتىمدى جانە ارنايى قىمبات قۇرالداردى تالاپ ەتپەيدى. ولار، اسىرەسە، سۋپەرماركەتتەر، مەديتسينالىق ورتالىقتار، اۆتوسەرۆيستەر، كافەلەر مەن مەيرامحانالار، ءدارىحانالار، ءبىلىم بەرۋ سالاسى جانە باسقا دا كاسىپورىندار ءۇشىن وتە ىڭعايلى.
قر قنردا 03.02.2020 ج. بەرگەن №1.2.29/197/36 ليتسەنزياسى.
