اتىراۋ مۇناي وڭدەۋ زاۋىتى ء(اموز) 2024 جىلعى وندىرىستىك، قارجىلىق جانە ەكولوگيالىق قىزمەتىن قورىتىندىلايدى. كاسىپورىن تيىمدىلىك پەن تۇراقتىلىقتىڭ جوعارى دەڭگەيىن كورسەتۋدى جالعاستىرىپ كەلەدى، دەپ حابارلايدى زاۋىتتىڭ ءباسپاسوز قىزمەتى.
2023 جىلمەن سالىستىرعاندا زاۋىت وندىرەتىن ەكى ءونىم كولەمىندە ايتارلىقتاي ءوسىم بار. ايتالىق، سۇيىتىلعان مۇناي گازى ءوندىرىسىنىڭ كولەمى 2023 جىلمەن سالىستىرعاندا 6322 تونناعا ارتىپ، قاراشا ايىندا 23 080 تونناعا جەتسە، اۆياكەروسين ءوندىرىس 57 پايىزعا ءوسىپ، 23 848 توننانى قۇرادى. ال مۇناي وڭدەۋدىڭ بيىلعى 10 ايداعى كولەمى 4 583 407 توننا شيكىزاتتى قۇراپ، وتكەن جىلعى سايكەس كەزەڭنەن 57 336 تونناعا ارتىق بولدى.
بۇل رەتتە 2024 جىلدىڭ تامىز – قاراشا ايلارىندا وتىن شىعىنىنىڭ ناقتى كورسەتكىشتەرى 8,45 – 9,80 پايىزدى قۇرادى، بۇل نورماتيۆتىك دەڭگەيدەن ەداۋىر (12,47-14,5%) جانە 2023 جىلدىڭ ۇقساس كەزەڭىمەن سالىستىرعاندا 1-4%-عا تومەن.
ء"اموز وپەراتسيالىق شىعىنداردى وڭتايلاندىرۋدى جالعاستىرۋدا. 2024 جىلعى 10 ايدا شىعىندار 22%-عا تومەندەپ، جوسپارلانعان 150,6 ملرد تەڭگەنىڭ ورنىنا 117,4 ملرد تەڭگەنى قۇرادى. جوندەۋگە، ماتەريالدارعا جانە ەكولوگيالىق شىعىندارعا ۇنەمدەۋ سايكەسىنشە 59%، 20% جانە 75%-عا تەڭ بولدى. مۇناي وڭدەۋگە جۇمسالاتىن ۇلەستىك شىعىندار ءبىر تونناعا 54 887 تەڭگەگە دەيىن تومەندەدى (بولجامنان 11 125 تەڭگەگە تومەن)", – دەلىنگەن كومپانيانىڭ ءباسپاسوز قىزمەتىنىڭ حابارلاماسىندا.
اتىراۋ مۇناي وڭدەۋ زاۋىتى ەكولوگيالىق كورسەتكىشتەرىن جاقسارتۋ بويىنشا جۇمىستاردى دا جالعاستىرىپ جاتىر. ونىڭ كورسەتكىشتەرى تومەندەگىدەي:
- لاستاۋشى زاتتاردىڭ شىعارىندىلارى 11,9%-عا (1053 تونناعا) ازايدى.
- اعىندى سۋلاردىڭ توگىندىلەرى 68 تونناعا ازايتىلدى، بۇل قوندىرعىلاردى قايتا قۇرۋدىڭ ناتيجەسى بولدى.
- تازارتۋ قۇرىلىستارىن جاڭعىرتۋدىڭ ارقاسىندا قالدىقتار كولەمى 39%-عا قىسقاردى.
- پارنيكتىك گازدار شىعارىندىلارى 20 509 تونناعا (1,5%) ازايدى.
قازىرگى تاڭدا اتىراۋ مۇناي وڭدەۋ زاۋىتىندا 2525 ادام جۇمىس ىستەيدى. ولاردىڭ 43 پايىزى – 35 جاسقا دەيىنگى جاستار. ەڭبەك جاعدايلارىن جاقسارتۋ شارالارىنىڭ ارقاسىندا 2024 جىلى كادرلاردىڭ تۇراقسىزدىعى 2,31%-عا دەيىن تومەندەگەن
"جوسپارلى-الدىن الۋ جوندەۋ اياسىندا 2024 جىلى 15 تەحنولوگيالىق قوندىرعى ءساتتى جاڭارتىلدى. جوندەۋ جۇمىستارى كەستەدەن بۇرىن اياقتالدى، بۇل جوعارى وكتاندى بەنزيندەر ءوندىرىسىن تەزىرەك قالپىنا كەلتىرۋگە مۇمكىندىك بەردى. PEP Solomon باعدارلاماسى اياسىندا وپەراتسيالىق تيىمدىلىكتى ارتتىرۋعا باعىتتالعان 24 ۇسىنىس ىسكە اسىرىلدى. جاڭا تاسىلدەردى ەنگىزۋدىڭ ەكونوميكالىق اسەرى جىلىنا 1,5 ملرد تەڭگەدەن استامدى قۇرادى. اتىراۋ مۇناي وڭىدەۋ زاۋىتىنىڭ وزىق تەحنولوگيالاردى ەنگىزۋى، قورشاعان ورتاعا اسەردى ازايتۋى جانە تۇراقتى ءوندىرىستى قامتاماسىز ەتۋى ونىڭ سالاداعى جەتەكشى كاسىپورىنداردىڭ ءبىرى ەكەنىن راستايدى", – دەلىنگەن ءباسپاسوز حابارلاماسىندا.
