قازاقستان قورعانىس مينيسترلىگى گولان توبەلەرىندەگى بۇۇ ميسسياسى ايماعىندا قىزمەت اتقارىپ جاتقان قازاقستاندىق بىتىمگەرلەرگە قاتىستى جاعدايدى تۇراقتى دەپ باعالاپ وتىر، دەپ حابارلايدى "ادىرنا" ۇلتتىق پورتالى قازاقستان قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
«گولان توبەلەرىندە بۇۇ ميسسياسى جاۋاپكەرشىلىك ايماعىنداعى جاعداي شيەلەنىستى بولعانىمەن، تۇراقتى دەپ باعالانادى»، – دەلىنگەن حابارلامادا.
مالىمەتتەرگە سايكەس، ميسسيانىڭ جەكە قۇرامى مانداتقا ساي ءوز مىندەتتەرىن اتقارىپ جاتىر. بۇۇ-نىڭ ءبولىنىستى باقىلاۋ كۇشتەرىنىڭ ۋاكىلەتتى وكىلدەرى سيريالىق جانە يزرايلدىك تاراپتاردىڭ وكىلدەرىمەن تۇراقتى بايلانىستا ەكەنى اتاپ ءوتىلدى. بىتىمگەرلەردىڭ قاۋىپسىزدىگىن قامتاماسىز ەتۋ ءۇشىن قاجەتتى شارالار قابىلدانۋدا.
قازاقستاننىڭ قورعانىس مينيسترلىگى جاعدايدى باقىلاپ، گولان توبەلەرىندە جۇرگەن قازاقستاندىق اسكەري قىزمەتكەرلەرمەن تۇراقتى بايلانىس وتىرعانىن حابارلادى.
«قاجەت بولعان جاعدايدا ميسسيانى ەۆاكۋاتسيالاۋ ماسەلەسى بۇۇ باسشىلىعى تاراپىنان ميسسيانىڭ كوماندالىق قۇرامىنىڭ ۇسىنىسى نەگىزىندە قارالاتىن بولادى»، – دەيدى ولار.
