Қазақстан Қорғаныс министрлігі Голан төбелеріндегі БҰҰ миссиясы аймағында қызмет атқарып жатқан қазақстандық бітімгерлерге қатысты жағдайды тұрақты деп бағалап отыр, деп хабарлайды "Адырна" ұлттық порталы Қазақстан Қорғаныс министрлігінің баспасөз қызметіне сілтеме жасап.
«Голан төбелерінде БҰҰ миссиясы жауапкершілік аймағындағы жағдай шиеленісті болғанымен, тұрақты деп бағаланады», – делінген хабарламада.
Мәліметтерге сәйкес, миссияның жеке құрамы мандатқа сай өз міндеттерін атқарып жатыр. БҰҰ-ның бөліністі бақылау күштерінің уәкілетті өкілдері сириялық және израильдік тараптардың өкілдерімен тұрақты байланыста екені атап өтілді. Бітімгерлердің қауіпсіздігін қамтамасыз ету үшін қажетті шаралар қабылдануда.
Қазақстанның Қорғаныс министрлігі жағдайды бақылап, Голан төбелерінде жүрген қазақстандық әскери қызметкерлермен тұрақты байланыс отырғанын хабарлады.
«Қажет болған жағдайда миссияны эвакуациялау мәселесі БҰҰ басшылығы тарапынан миссияның командалық құрамының ұсынысы негізінде қаралатын болады», – дейді олар.
