ءماجىلىستىڭ جالپى وتىرىسىندا پالاتا توراعاسى ەرلان كوشانوۆتىڭ توراعالىعىمەن يرانمەن جانە سينگاپۋرمەن ەركىن ساۋدا تۋرالى ەكى حالىقارالىق كەلىسىم ماقۇلداندى. بۇل تۋرالى ساۋدا جانە ينتەگراتسيا مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«ءماجىلىس «ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان يران يسلام رەسپۋبليكاسى اراسىنداعى ەركىن ساۋدا تۋرالى» كەلىسىمدى راتيفيكاتسيالادى. جالپى وتىرىستا ەاەو مەن وعان مۇشە مەملەكەتتەر مەن سينگاپۋر اراسىنداعى ەركىن ساۋدا تۋرالى كەلىسىم مەن جان-جاقتى ەكونوميكالىق ىنتىماقتاستىق تۋرالى نەگىزدەمەلىك كەلىسىم دە راتيفيكاتسيالاندى»، - دەلىنگەن حاباردا.
يرانمەن جاسالعان كەلىسىم تاۋار نومەنكلاتۋراسىنىڭ 90 پايىزعا جۋىعى بويىنشا باجسىز ساۋدانى قاراستىرادى. يران تاراپى كوپتەگەن تاۋارلارعا قاتىستى نولدىك باجداردى قولدانۋعا جانە ساۋداعا شەكتەۋ قويماۋعا مىندەتتەمە الادى. دەگەنمەن، يراننان ەرەكشەلەنگەن تاۋارلاردى اكەلۋ كەزىندە يمپورتتىق كەدەندىك باجدار ساقتالادى.
سونىمەن قاتار، سينگاپۋرمەن جاسالعان كەلىسىم ەرەكشەلەنگەن تاۋارلاردى قوسپاعاندا، تاۋارلارمەن باجسىز ساۋدا رەجيمىن ورناتا وتىرىپ، مەملەكەتتەر اراسىنداعى ساۋدا-ەكونوميكالىق قارىم-قاتىناستاردى دامىتۋعا نەگىز بولماق.
