استانا قالاسىنىڭ سارىارقا اۋدانىندا كوكتال كوشەسىندە ورنالاسقان اۆتوكولىك شينالارىن جويۋ تسەحىندا تۇندە ءورت شىقتى. بۇل تۋرالى تجم ءباسپاسوز قىزمەتى مالىمدەدى،دەپ حابارلايدى “ادىرنا” ۇلتتىق پورتالى.
جالىن رەزەڭكە بۇيىمداردى، جابدىقتاردى جانە عيماراتتىڭ شاتىرىنداعى اعاش قۇرىلىمداردى شارپىعان.
«ءورت سوندىرۋشىلەردىڭ جەدەل ءارى كاسىبي ارەكەتتەرى ارقاسىندا ءورتتىڭ اۋىر زارداپتارىنىڭ الدىن الۋ مۇمكىن بولدى. ولار عيمارات ىشىنەن بىرىنەن سوڭ ءبىرى ەكى گاز جانە ەكى وتتەگى باللونىن شىعارىپ، جارىلىس قاۋپىن جويدى. ءورت جالپى 500 شارشى مەتر اۋماقتى قامتىعانىمەن، زارداپ شەككەندەر جوق. قازىرگى تاڭدا ءورتتىڭ سەبەبى انىقتالۋدا»، - دەلىنگەن حابارلامادا.
