رەسەيدىڭ تومسك وبلىسى بيلىگىنىڭ قازاق ءتىلدى مەكتەپ سالۋدان باس تارتۋى تۋرالى اقپارات باق بەتتەرىندە تاراۋدا، دەپ حابارلايدى “ادىرنا” ۇلتتىق پورتالى Caravan.kz سايتىنا سىلتەپ.
بۇعان دەيىن رەسەيدە استراحان، ومسك جانە ورىنبور قالالارىندا قازاق تىلىندە ءبىلىم بەرەتىن مەكتەپتەر سالىناتىنى بەلگىلى بولعان ەدى. بۇل قالالاردا ەتنيكالىق قازاقتار تۇرادى. سونىمەن قاتار، تومسك قالاسى دا اتالعان بولاتىن، بىراق تومسك وبلىسىنىڭ ءبىلىم دەپارتامەنتى بۇل ماسەلە ءالى كۇنگە دەيىن كۇن تارتىبىندە جوق ەكەنىن مالىمدەدى. وكىلدەر، بۇل ۇسىنىس تەك قازاق دياسپوراسىنىڭ باستاماسىمەن عانا قارالۋى مۇمكىن ەكەنىن اتاپ ءوتتى. سونىمەن قاتار، استراحان وبلىسى اكىمشىلىگى قازاقستانمەن ىنتىماقتاستىقتى نىعايتۋعا دايىن ەكەنىن ايتىپ، قازاقستاندى ستراتەگيالىق سەرىكتەس دەپ اتادى.
ءبىلىم ءمينيسترى عاني بەيسەمباەۆ جاعدايدى ءتۇسىندىرىپ، مەكتەپتەردى سالۋ – كوپ كەزەڭدى پروتسەسس ەكەنىن، وعان كەلىسسوزدەر، ورىن تاڭداۋ، قارجىلاندىرۋ جانە قۇرىلىس كىرەتىنىن اتاپ ءوتتى.
«مەن بۇعان دەيىن ايتقانىمداي، وسى وڭىرلەر بويىنشا ماسەلە قاراستىرىلۋدا – بۇل تولىققاندى كەلىسسوز پروتسەسى. قالالار شامامەن تاڭدالدى. كەلەسى كەزەڭ – ناقتى ورىن تاڭداۋ، مۇندا قازاقتىلدى حالىقتىڭ سانىنا باسا نازار اۋدارىلادى. قالالار مەن قۇرىلىس ورىندارىن تاڭداۋ بويىنشا ەكى تاراپ تا جۇمىس جۇرگىزۋدە. الدا ءالى كوپ جۇمىس بار: ورىن انىقتاپ، ءتيىستى كەلىسىمشارتقا قول قويۋ، قارجىلاندىرۋ جانە مەكتەپ قۇرىلىسى ماسەلەلەرىن شەشۋ. بىراق شەشىم قابىلداندى جانە ءتيىستى جۇمىس جۇرگىزىلۋدە»، – دەدى ول.
رەسەيلىك ارىپتەستەر تاراپىنان قىزىعۋشىلىقتىڭ جەتىسپەۋشىلىگىن سەزىنگەن-سەزىنبەگەنى تۋرالى سۇراققا بەيسەمباەۆ: «ءبىز سول تاراپپەن بايلانىسقا شىققاندا، مۇنداي جاعدايدى سەزىنگەن جوقپىن، سوندىقتان جۇمىس جالعاسىپ جاتىر»، دەپ ايتتى.
