«اۋىل – ەل بەسىگى» جوباسى اۋليەاتا اۋىلدارىنا ءار بەرۋدە

355

ەلباسى نۇرسۇلتان نازارباەۆ «اۋىل – ەل بەسىگى» ارنايى جوباسى اۋىلدىق ەلدى مەكەندەردى دامىتۋعا باعىتتالعان بىرەگەي باستاما. ونىڭ ۇستىنە مەملەكەت باسشىسى قاسىم-جومارت توقاەۆتىڭ جولداۋىندا دا اتالعان جوبا اياسىنداعى جۇمىستاردى كۇشەيتۋ تاپسىرىلدى.

بۇگىندە جوبا اياسىندا وبلىستاعى بايزاق، جامبىل، شۋ اۋداندارىنىڭ ورتالىقتارىندا 108 جوبا ىسكە اسۋدا. بۇل باعىتتا 2 ميلليارد 77 ميلليون تەڭگە قاراستىرىلعان. ونىڭ 104 جوباسى الەۋمەتتىك، تۇرعىن-ءۇي كوممۋنالدىق شارۋاشىلىعى، كولىك ينفراقۇرىلىمدارى نىساندارىن جوندەۋ بويىنشا، قالعان 4 جوباسى الەۋمەتتىك نىساندار قۇرىلىسىن جۇرگىزۋگە ارنالعان. قازىرگى تاڭدا 31 نىسان تولىقتاي سالىنىپ ءبىتتى.

«پرەزيدەنتىمىز 2020-2024 جىلدارعا وسى «اۋىل – ەل بەسىگى» جوباسىن قارجىلاندىرۋدى ءۇش ەسەگە كوتەرىپ، اۋىلدىق ەلدى مەكەندەردى قامتۋ سانىن ارتتىرۋعا باعىتتاپ وتىر. رەسپۋبليكا تاراپىنان 373 ەلدى مەكەننىڭ قازىرگى وڭىرلىك ستاندارتى ازىرلەندى. سول وڭىرلىك ستاندارتقا سايكەستەندىرۋ جۇمىستارى باستالىپ كەتتى. وسى سايكەستەندىرۋ باعىتىندا بىزدە 62 تىرەكتى ەلدى مەكەندەر تاڭدالىپ الىندى. الداعى ۋاقىتتا ولاردى قارجىلاندىرۋعا باعىتتايتىن بولامىز»، - دەيدى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆا.

ال، 2020 جىلعا وسى ورايدا وبلىسقا 2 ميلليارد تەڭگە كولەمىندە قارجى ءليميتى بەلگىلەنىپ، وعان قورداي، مەركى، ساۋداكەنت اۋىلدارىندا 53 جوبانى جۇزەگە اسىرۋ جوسپارلانۋدا.

جالپى «اۋىل – ەل بەسىگى» جوباسى اۋىلداردىڭ ءارىن كەلتىرىپ، بويىنا قان جۇگىرتىپ جاتىر. مىسالى  بايزاق  اۋدانىنىڭ  اكىمى  ءراحماتىلدا  راحمانبەرديەۆتىڭ ايتۋىنشا، اتالعان جوبا اۋداندا ءساتتى جۇزەگە اسىرىلىپ جاتىر. اتاپ ايتقاندا، «اۋىل — ەل بەسىگى» جوباسى بويىنشا سارىكەمەر اۋىلىندا بارلىعى 948,0 ملن. تەڭگەگە 29 جوبا قارجىلاندىرىلعان.

ونىڭ ىشىندە كوشەلەردى جارىقتاندىرۋعا 372,6 ملن. تەڭگە (4 جوبا), ءبىلىم نىساندارىن كۇردەلى جانە اعىمداعى جوندەۋگە 241,3 ملن. تەڭگە (3 جوبا), دەنساۋلىق ساقتاۋ سالاسى نىساندارىن كۇردەلى جانە اعىمداعى جوندەۋگە 93,9 ملن. تەڭگە (2 جوبا), سپورت نىساندارىن كۇردەلى جانە اعىمداعى جوندەۋگە 72,4 ملن. تەڭگە (4 جوبا), مادەنيەت سالاسىنا 52,5 ملن. تەڭگە (5 جوبا), جولداردى جوندەۋگە 108,0 ملن. تەڭگە (10 جوبا) جانە جۇمىسپەن قامتۋ ورتالىعىنىڭ عيماراتىن اعىمداعى جوندەۋگە 7,2 ملن. تەڭگە (1 جوبا) بولىنگەن.

قازىرگى تاڭدا 29 جوبانىڭ 18 جوباسىنىڭ جەڭىمپازى انىقتالىپ، 14 جوبا بويىنشا جۇمىس باستالدى. بۇدان بولەك، اۋىلدىقتاردىڭ دەنساۋلىعىن ساقتاۋ شارالارىنا دا باسا نازار اۋدارىلىپ كەلەدى. قازىرگى تاڭدا اۋداندا مەديتسينالىق قىزمەت ساپاسى جانە اۋىلدىق جەرلەردە العاشقى مەديتسينالىق-سانيتاريالىق كومەكتىڭ قولجەتىمدىلىگىن قامتاماسىز ەتۋ مىندەتى تۇر.

  «ادىرنا»

ۇلتتىق پورتالى

پىكىرلەر