«Aýyl – el besigi» jobasy Áýlıeata aýyldaryna ár berýde

357

Elbasy Nursultan Nazarbaev «Aýyl – el besigi» arnaıy jobasy aýyldyq eldi mekenderdi damytýǵa baǵyttalǵan biregeı bastama. Onyń ústine Memleket basshysy Qasym-Jomart Toqaevtyń Joldaýynda da atalǵan joba aıasyndaǵy jumystardy kúsheıtý tapsyryldy.

Búginde joba aıasynda oblystaǵy Baızaq, Jambyl, Shý aýdandarynyń ortalyqtarynda 108 joba iske asýda. Bul baǵytta 2 mıllıard 77 mıllıon teńge qarastyrylǵan. Onyń 104 jobasy áleýmettik, turǵyn-úı kommýnaldyq sharýashylyǵy, kólik ınfraqurylymdary nysandaryn jóndeý boıynsha, qalǵan 4 jobasy áleýmettik nysandar qurylysyn júrgizýge arnalǵan. Qazirgi tańda 31 nysan tolyqtaı salynyp bitti.

«Prezıdentimiz 2020-2024 jyldarǵa osy «Aýyl – el besigi» jobasyn qarjylandyrýdy úsh esege kóterip, aýyldyq eldi mekenderdi qamtý sanyn arttyrýǵa baǵyttap otyr. Respýblıka tarapynan 373 eldi mekenniń qazirgi óńirlik standarty ázirlendi. Sol óńirlik standartqa sáıkestendirý jumystary bastalyp ketti. Osy sáıkestendirý baǵytynda bizde 62 tirekti eldi mekender tańdalyp alyndy. Aldaǵy ýaqytta olardy qarjylandyrýǵa baǵyttaıtyn bolamyz», - deıdi oblystyq ekonomıka jáne bıýdjettik josparlaý basqarmasynyń basshysy Gúldana Jaýynbekova.

Al, 2020 jylǵa osy oraıda oblysqa 2 mıllıard teńge kóleminde qarjy lımıti belgilenip, oǵan Qordaı, Merki, Saýdakent aýyldarynda 53 jobany júzege asyrý josparlanýda.

Jalpy «Aýyl – el besigi» jobasy aýyldardyń árin keltirip, boıyna qan júgirtip jatyr. Mysaly  Baızaq  aýdanynyń  ákimi  Rahmatildá  Rahmanberdıevtiń aıtýynsha, atalǵan joba aýdanda sátti júzege asyrylyp jatyr. Atap aıtqanda, «Aýyl — el besigi» jobasy boıynsha Sarykemer aýylynda barlyǵy 948,0 mln. teńgege 29 joba qarjylandyrylǵan.

Onyń ishinde kóshelerdi jaryqtandyrýǵa 372,6 mln. teńge (4 joba), bilim nysandaryn kúrdeli jáne aǵymdaǵy jóndeýge 241,3 mln. teńge (3 joba), densaýlyq saqtaý salasy nysandaryn kúrdeli jáne aǵymdaǵy jóndeýge 93,9 mln. teńge (2 joba), sport nysandaryn kúrdeli jáne aǵymdaǵy jóndeýge 72,4 mln. teńge (4 joba), mádenıet salasyna 52,5 mln. teńge (5 joba), joldardy jóndeýge 108,0 mln. teńge (10 joba) jáne jumyspen qamtý ortalyǵynyń ǵımaratyn aǵymdaǵy jóndeýge 7,2 mln. teńge (1 joba) bólingen.

Qazirgi tańda 29 jobanyń 18 jobasynyń jeńimpazy anyqtalyp, 14 joba boıynsha jumys bastaldy. Budan bólek, aýyldyqtardyń densaýlyǵyn saqtaý sharalaryna da basa nazar aýdarylyp keledi. Qazirgi tańda aýdanda medıınalyq qyzmet sapasy jáne aýyldyq jerlerde alǵashqy medıınalyq-sanıtarııalyq kómektiń qoljetimdiligin qamtamasyz etý mindeti tur.

  «ADYRNA»

ulttyq portaly

Pikirler