توقاەۆتىڭ تاپسىرماسىنان كەيىن ەل بيۋدجەتى 200 ملرد تەڭگەدەن قاعىلماق

3524
Adyrna.kz Telegram

ميكرو جانە شاعىن بيزنەستى تابىس سالىعىنان بوساتقاننان كەيىن ەل بيۋدجەتى 200 ميلليارد تەڭگەدەن قاعىلادى. الايدا ۇكىمەت بۇل شىعىندى سالىقتىق جانە كەدەندىك اكىمشىلەندىرۋدى جاقسارتۋ ەسەبىنەن قايتارۋدى كوزدەپ وتىر. بۇل تۋرالى بۇگىن پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ مالىمدەدى، دەپ حابارلايدى adyrna.kz ۇلتتىق پورتالى Sputnik قازاقستان سايتىنداعى مالىمەتتەردى نەگىزگە الا وتىرىپ. 

قارجى ءمينيسترىنىڭ ايتۋىنشا، بىلتىر ميكرو جانە شاعىن بيزنەستەن مەملەكەتتىك بيۋدجەتكە 190 ميلليارد تەڭگەگە تارتا سالىق تۇسكەن.

بقل جونىندە سمايىلوۆ مىرزا: "2020 جىلى، ەگەر ءبىز وسىنداي كومپانيالار مەن جەكە كاسىپكەرلەردى سالىقتان بوساتساق، بيۋدجەت شىعىنى 200 ميلليارد تەڭگەدەن اسادى. بىراق، ءبىز بۇل شىعىندى سالىقتىق جانە كەدەندىك اكىمشىلەندىرۋدى جاقسارتۋ ەسەبىنەن قايتارۋدى جوسپارلاپ وتىرمىز", - دەپ مالىمدەدى.

ال قارجى ءمينيسترى: "سالىق زاڭناماسىنا سايكەس، 15 ادام جۇمىس ىستەيتىن جانە جىلدىق تابىسى 30 مىڭ اەك-كە دەيىن نەمەسە 76 ميلليون تەڭگەنى قۇرايتىن جەكە كاسىپكەرلەر، زاڭدى تۇلعالار ميكروبيزنەسكە جاتادى. ال 100 ادامعا دەيىن جۇمىسشىسى بار، جىلدىق تابىسى 300 اەك-كە دەيىن نەمەسە جىلىنا 757 ميلليون تەڭگەنى قۇرايتىن ۇيىمدار شاعىن بيزنەس سانالادى", - دەپ قانداي كاسىپكەرلەر تابىس سالىعىنان بوساتىلاتىنىن ءتۇسىندىرىپ ءوتتى.

ەستەرىڭىزگە سالايىق، قازاقستان پرەزيدەنتى 2 قىركۇيەكتە جاريا ەتكەن جولداۋىندا ۇكىمەتكە ميكرو جانە شاعىن بيزنەستى ءۇش جىلعا تابىس سالىعىنان بوساتۋ تۋرالى زاڭ جوباسىن ازىرلەۋدى تاپسىرعان بولاتىن.

"ادىرنا" ۇلتتىق پورتالى

پىكىرلەر