2024 جىلدىڭ 8 جەلتوقسانىنان باستاپ قازاقستان شەتەل ازاماتتارىنا ەرەجەنى كۇشەيتپەك، دەپ حابارلايدى "ادىرنا" ۇلتتىق پورتالى.
قازاقستاندا ۋاقىتشا جانە تۇراقتى تۇرۋعا رۇقسات بەرۋدىڭ وزگەرتىلگەن ەرەجەلەرى كۇشىنە ەنەدى.
ىشكى ىستەر ءمينيسترىنىڭ جاڭا بۇيرىعىنا سايكەس، ۋاقىتشا تۇرۋعا رۇقسات الۋ ءۇشىن بىرقاتار قۇجات ۇسىنۋ قاجەت. ولار: ءوتىنىش فورماسى، جەكە باسىن كۋالاندىراتىن قۇجاتتىڭ كوشىرمەسى (تۇپنۇسقا سالىستىرۋ ءۇشىن ۇسىنىلادى);• مەديتسينالىق ساقتاندىرۋ كوشىرمەسى (تۇپنۇسقا سالىستىرۋ ءۇشىن ۇسىنىلادى، ەاەو ەلدەرى ازاماتتارى ءۇشىن تالاپ ەتىلمەيدى), ەگەر ءوتىنىش بەرۋشى تۇرعىن ءۇي الاڭىنىڭ مەنشىك يەسى بولماسا، تۇرعىن ءۇي يەسىنىڭ تۇرۋعا نوتاريالدى كۋالاندىرىلعان كەلىسىمى، ساۋساق ءىزىن وتكىزگەنى تۋرالى انىقتاماسى.
قۇجاتتار ءتىزىمى كەلۋ ماقساتىنا بايلانىستى وزگەرەدى.
ەندى قازاقستانعا جۇمىس ىستەۋ ءۇشىن كەلگەن ازاماتتار شەتەلدىك جۇمىس كۇشىن تارتۋعا رۇقسات پەن بىلىكتىلىگىن راستايتىن باسقا دا قۇجاتتاردى ۇسىنۋى كەرەك.
2024 جىلدىڭ 1 قاڭتارىنان باستاپ قازاقستاندا بولۋ قۇجاتىن العىسى كەلەتىن شەتەلدىكتەر مەن ازاماتتىعى جوق ادامدار ءۇشىن ساۋساق ءىزىن تىركەۋ مىندەتتى.
