الماتىدا مەگاپوليس تۇرعىندارى مەن قوناقتارى ءۇشىن 12 تەگىن اشىق مۇز ايدىنى جۇمىس ىستەيتىن بولادى. بۇل تۋرالى قالالىق سپورت باسقارماسىنان حابارلادى.
مۇز ايدىندارى كۇن سايىن كەلەسى مەكەنجايلار بويىنشا جۇمىس ىستەيتىن بولادى:
• رەسپۋبليكا سارايىنىڭ الدىنداعى اباي الاڭى;
• Halyk Arena;
• 28 باتىر-پانفيلوۆشىلار اتىنداعى ساياباق;
• تۇڭعىش پرەزيدەنت ساياباعى;
• ناۋرىزباي اكىمدىگىنىڭ الدىنداعى الاڭ;
• قبتۋ تۇراعى;
• «اۆياتور» ستاديونى;
• كوكجيەك ش/ا;
• «گۇلدەر» ساياباعى;
• الماتى ارەنا;
• №6 وقۋشىلار ءۇيى;
• مۇسىرەپوۆ اتىنداعى جاسوسپرىمىدەر تەارتىنىڭ الدى.
جوبا بۇقارالىق سپورتتى دامىتۋ اياسىندا جانە قالا تۇرعىندارىنىڭ بوس ۋاقىتىن ۇيىمداستىرۋ ماقساتىندا ىسكە اسىرىلۋدا. مۇز الاڭدارىنىڭ اۋدانى مۇز بەتىنىڭ 500 م2 1 900 م2 قۇرايدى.
بارلىق مۇز ايدىندارىنىڭ كۇتىلەتىن وتكىزۋ قابىلەتى ءبىر ماۋسىمدا 300 مىڭنان استام ادامدى قۇرايدى.
مۇز ايدىندارىندا كونكيدى جالعا بەرۋ پۋنكتتەرى جۇمىس ىستەيتىن بولادى. كونكيدى جالعا الۋ قۇنى سەانس ءۇشىن 1,5 مىڭ تەڭگە (2 ساعات). بەرۋ پۋنكتتەرىنىڭ جۇمىس رەجيمى جۇمىس كۇندەرى 10:00-دەن 22:00-گە دەيىن جانە دەمالىس جانە مەرەكە كۇندەرى 10:00-دەن 23:00-گە دەيىن. كونكيمەن سىرعاناۋ تولىعىمەن تەگىن.
جوسپارلانعان اشىلۋ كۇنى - مۇز الاڭدارى ءۇشىن قولايلى اۋا رايى جاعدايىندا اعىمداعى جىلدىڭ 1 جەلتوقسانى. بىرنەشە مۇز ايدىنىنىڭ تەحنيكالىق ىسكە قوسىلعانىنا نازار اۋدارامىز.
اشىق مۇز ايدىنى بويىنشا جوبانى سپورت باسقارماسى 2017 جىلدان باستاپ ىسكە اسىرىپ كەلەدى. وسى ۋاقىت ىشىندە ولارعا 2 ميلليوننان استام ادام كەلدى.
