ۇلتتىق بانك توراعاسى تيمۋر سۇلەيمەنوۆ دوللار باعاسىنىڭ كۇرت ءوسۋى مەن نارىقتاعى جاعداي بىرقاتار سىرتقى جانە ىشكى فاكتورلارعا بايلانىستى ەكەنىن اتاپ ءوتتى، دەپ حابارلايدى "ادىرنا" ۇلتتىق پورتالى.
«ۇلتتىق ۆاليۋتا باعامى ءبىر دوللار ءۇشىن 500 تەڭگە دەڭگەيىنەن اسىپ، بيرجالىق ساۋدادا ءبىر دوللار 519,7 تەڭگەگە جەتىپ، 512 تەڭگە دەڭگەيىندە جابىلدى. بۇنىڭ ءتۇرلى سەبەپتەرى بار، ونى جان-جاقتى تالداۋ كەرەك»، — دەدى سۇلەيمەنوۆ
ونىڭ سوزىنشە، دوللار رەزەرۆتىك ۆاليۋتالارعا قاتىستى نىعايۋدا. جاپوندىق يەن 5,5%-عا، فۋنت ستەرلينگ 5,2%-عا، ەۋرو 4,5%-عا السىرەدى. وسى كەزەڭدە تەڭگە 6,6%-عا تومەندەدى، بۇل ەكونوميكامىزدىڭ مۇناي وندىرۋگە كوبىرەك تاۋەلدى.
«جوعارى قۇبىلمالىلىق ىقتيمال جەتكىزىلىمنىڭ كوپتىگى، اقش-تىڭ مۇناي جەتكىزىلىمدەرىنىڭ ۇلعايۋى جانە امەريكانىڭ جاڭا باسشىلىعىنىڭ باسقا دا ەكونوميكالىق شارالارى تۋرالى كۇتۋ جاعدايىندا جالعاسۋدا»، - دەدى توراعا.
ەل ىشىندە دوللارعا سۇرانىس 500 تەڭگەلىك مەجەدەن وتكەننەن كەيىن كۇرت ءوستى. سوڭعى كۇندەردەگى بيرجالىق ساۋدا كولەمى ورتاشادان ەكى-ءۇش ەسە اسىپ تۇسكەن.
«قابىلدانعان شارالار ايىرباس باعامىنىڭ كۇرت اۋىتقۋىن رەتتەۋگە جانە نارىقتى تۇراقتاندىرۋعا مۇمكىندىك بەردى. قازىر دوللار 507 تەڭگەدەن ساتىلىپ جاتىر»، – دەپ قورىتىندىلادى ۇلتتىق بانك باسشىسى
