استانادا سىعاناق كوشەسىندە 2025 جىلدىڭ 1 قىركۇيەگىنە دەيىن كولىك قوزعالىسى تولىقتاي شەكتەلەدى، دەپ حابارلايدى "ادىرنا" ۇلتتىق پورتالى «City Transportation Systems» (CTS) ءباسپاسوز قىزمەتىنە سىلتەپ.
بۇل شەكتەۋ LRT-نىڭ جاياۋ جۇرگىنشىلەرگە ارنالعان اسپالى وتكەلدەرىن سالۋعا بايلانىستى ەنگىزىلدى.
CTS رەسمي مالىمدەمەسىنە سايكەس ۋاقىتشا شەكتەۋلەر سىعاناق كوشەسىنىڭ اقمەشىت كوشەسىنەن تۇركىستان كوشەسىنە دەيىنگى بولىگى مەن ماڭگىلىك ەل داڭعىلىنان سىعاناق كوشەسىنە تۇركىستان كوشەسى باعىتىنا قارايعى وڭ جاق بۇرىلىسىنا ەنگىزىلگەن.
«قۇرىلىس جۇمىستارى LRT-نىڭ №112-دەن №118-گە دەيىنگى ستانتسيالارىنىڭ اۋماعىندا جۇرگىزىلەدى. جەرگىلىكتى تۇرعىندارعا جانە جۇرگىزۋشىلەرگە ءوز مارشرۋتتارىن الدىن الا جوسپارلاپ، شەكتەۋلەرگە تۇسىنىستىكپەن قاراۋ ۇسىنىلادى. جولداعى ىڭعايسىزدىقتى ازايتۋ ماقساتىندا بالاما باعىتتاردى پايدالانۋ جونىندە كەڭەس بەرىلەدى»، — دەپ جازىلعان ءباسپاسوز حابارلاماسىندا.
بارلىق قۇرىلىس جۇمىستارى اياقتالعاننان كەيىن كوشەدەگى كولىك قوزعالىسى قايتا قالپىنا كەلتىرىلەدى.
