2024 جىلعى 25 قاراشادا جەزقازعان قالاسى اكىمدىگىنىڭ ۇلكەن ءماجىلىس زالىندا “ۇلىتاۋ وبلىسى قوعامدىق دامۋ باسقارماسى وڭىرلىك كوممۋنيكاتسيالار قىزمەتى” كمم ۇيىمداستىرۋىمەن “مەملەكەتتىك ورگانداردىڭ ءباسپاسوز قىزمەتتەرىنىڭ كوممۋنيكاتسياسى جانە كاسىبي ستراتەگياسى” تاقىرىبىندا سەمينار-ترەنينگ ءوتتى.
سەميناردىڭ ماقساتى – وڭىرلىك دەڭگەيدە بۇقارالىق اقپارات قۇرالدارىنىڭ (باق) ازاماتتىق قوعام ينستيتۋتى رەتىندەگى ءرولىن ارتتىرۋ جانە مەملەكەتتىك ورگانداردىڭ باق-پەن جانە قوعاممەن ارىپتەستىگىن دامىتۋ.
سەميناردا لەكتور رەتىندە پەريزات قۇرمانقىزى سادۋاقاس، قازاقستان رەسپۋبليكاسى جوعارعى سوتىنىڭ كوممۋنيكاتسيا ءبولىمىنىڭ مەڭگەرۋشىسى، تاريح عىلىمدارىنىڭ كانديداتى، “قۇرمەت” وردەنىنىڭ يەگەرى، اقپارات سالاسىنداعى تاجىريبەلى مامان ءسوز سويلەدى.
ترەنينگتىڭ نەگىزگى باعىتتارى:
1. مەملەكەتتىك اقپاراتتىق ساياساتتىڭ نەگىزگى قاعيدالارى، مەديا تۇتىنۋ جانە مەديا ساۋاتتىلىق ماسەلەلەرى;
2. مەملەكەتتىك ورگاندارداعى ءباسپاسوز حاتشىلارىنىڭ كوممۋنيكاتسيا داعدىلارىن دامىتۋ;
3. سوت پروتسەستەرىنە باق-تىڭ قاتىسۋ ءتارتىبىن جانە ءتيىمدى كوممۋنيكاتسيا تەتىكتەرىن قالىپتاستىرۋ;
4. اشىق سوت پروتسەستەرىن ونلاين كورسەتۋ تاجىريبەسى;
5. بريفينگتەرگە جۇيەلى اقپاراتتىق كۇن ءتارتىبىن قالىپتاستىرۋ جانە سپيكەر دايىنداۋ ءتارتىبى.
سەمينار بارىسىندا قاتىسۋشىلار كاسىبي داعدىلارىن جەتىلدىرىپ، وزەكتى ماسەلەلەردى تالقىلاۋعا مۇمكىندىك الدى. قاتىسۋشىلار سەمينار سوڭىندا لەكتورعا سۇراقتار قويىپ، ناقتى جاۋاپتار الدى.
سەمينار قورىتىندىسى بويىنشا بارلىق قاتىسۋشىلارعا العىس حات تابىستالدى.
