«قازاقستان تەمىر جولى» اق باسقارما توراعاسى نۇرلان ساۋرانباەۆ ەلىمىزدە پويىزدار نەگە ءجيى كەشىگەتىنىن ءتۇسىندىردى. بۇل تۋرالى ول ۇكىمەت وتىرىسىندا ايتتى، دەپ حابارلايدى “ادىرنا” ۇلتتىق پورتالى.
ۇكىمەت وتىرىسىندا پرەمەر-مينيستر ولجاس بەكتەنوۆ ۇلتتىق كومپانيا باسشىسىنا «نۇرلان ەرمەكۇلى، سوڭعى ۋاقىتتا تۇرعىندار تاراپىنان پويىزداردىڭ كەشىگۋىنە قاتىستى شاعىمدار كوبەيدى. قانداي شارالار قابىلداپ جاتىرسىزدار؟» دەپ سۇراق قويدى.
ساۋرانباەۆ مۇنداي پروبلەما بارىن مويىندادى.
«ءبىزدىڭ كومپانيادا بۇل ماسەلە ەرەكشە باقىلاۋدا تۇر. وسى جاعداي جول جوندەۋ جۇمىستارى جانە جولاۋشىلاردىڭ قاۋىپسىزدىگىنە بايلانىستى. سوڭعى جىلدارى ءبىز جول جوندەۋ جۇمىستارىن 2 ەسە كوبەيتتىك. جولاۋشىلاردىڭ الدىندا كەشىرىم ءوتىنىپ، ءارى جاعدايعا تۇسىنىكپەن قاراۋدى سۇرايمىز»، – دەدى قتج توراعاسى.
