پاۆلوداردا تۇندە بولعان جول اپاتىنان 16 جاستاعى قىز قازا تاپتى. تاعى ەكى جولاۋشى مەن جۇرگىزۋشى اۋرۋحاناعا جەتكىزىلدى، دەپ حابارلايدى «ادىرنا» ۇلتتىق پورتالى.
پاۆلودار وبلىسى پوليتسيا دەپارتامەنتىنىڭ مالىمەتىنشە، اپات 24 قاراشا كۇنى تۇنگى ساعات 03:10 شاماسىندا بولعان.
«كولىك جۇرگىزۋشىسى قاۋىپسىز جىلدامدىقتى ساقتاماعان. كولىك تايىپ، بورديۋر تاستارىنا سوعىلىپ، كەيىن اعاشقا سوقتىعىسقان. جۇرگىزۋشى مەن ءۇش جولاۋشى اۋرۋحاناعا جاتقىزىلدى. جول-كولىك وقيعاسى بويىنشا تەكسەرىس جۇرگىزىلىپ جاتىر»، – دەپ ءتۇسىندىردى پوليتسيا وكىلدەرى.
پاۆلودار وبلىسىنىڭ بالالار قۇقىقتارى جونىندەگى وڭىرلىك ۋاكىلى ساۋلە شاكەنەۆا حابارلاعانداي، كولىكتەگى ءۇش جولاۋشىنىڭ ءبارى جاسوسپىرىمدەر بولعان.
«19 جاستاعى جۇرگىزۋشىنىڭ باسقارۋىنداعى كولىكتە ءۇش كامەلەتكە تولماعان بالا بولعان. 16 جاستاعى جولاۋشى قازا تاپتى. 15 جاستاعى ەكىنشى جولاۋشى وتە اۋىر جاعدايدا، وعان وپەراتسيا جاسادى. تاعى ءبىر 15 جاستاعى جولاۋشى مەن جۇرگىزۋشى جاراقاتتارمەن اۋرۋحاناعا جاتقىزىلدى»، – دەپ ءتۇسىندىردى شاكەنەۆا.
جاسوسپىرىمدەر كولىكتە ەرەسەكتەرسىز جۇرگەن. بۇل دا ۇلكەن زاڭبۇزۋشىلىق بولىپ تابىلادى، دەپ اتاپ ءوتتى وڭىرلىك بالالار قۇقىقتارى جونىندەگى ۋاكىل.
«بۇل جول-كولىك وقيعاسىنا زارداپ شەككەن بالالاردىڭ اتا-انالارى جاۋاپتى. ەڭ كەمدەگەندە، ولار كامەلەتكە تولماعانداردىڭ 23:00-دەن كەيىن ۇيدە بولماعانى ءۇشىن اكىمشىلىك جاۋاپكەرشىلىككە تارتىلادى»، – دەدى ول.
