ۇلتتىق ويىندارىمىزدى ۇلىقتايىق

3055

جىلدا ناۋرىز مەرەكەسىنىڭ قارساڭىندا سپورتتىڭ ءار تۇرىنەن ۇلىستىڭ ۇلى كۇنىنە ارنالعان تۋرنيرلەر كوبەيىپ كەتەدى. رەسپۋبليكالىق كولەمدەگى تاەكۆوندو، فۋتبول دودالارىن ايتپاعاننىڭ وزىندە اۋىل-ايماقتاردىڭ وزدەرىندە دە وسىنداي تۋرنيرلەر كوپتەپ وتكىزىلىپ جاتادى. البەتتە، بۇعان قارسى شىققالى وتىرعان جوقپىز. دەگەنمەن وزدەرىڭىز ويلاڭىزدارشى، اتام قازاق ۇلىستىڭ ۇلى كۇنىن وسىنداي سپورت تۇرلەرىمەن قارسى العان با؟ نەگە وسى اتاۋلى مەيرامدى پايدالانىپ، ءوزىمىزدىڭ ۇلتتىق ويىندارىمىزدى ۇلىقتاپ قالماسقا؟قازاقتىڭ ءتول سپورت تۇرلەرى وتە كوپ. ءسىز بەن ءبىزدىڭ بىلەتىنىمىز سولاردىڭ از بولىگى عا­نا. ال تۋريزم جانە سپورت اكادەمياسىنىڭ ۆي­تسە-پرەزيدەنتى ەلەمەس ءالىمحانۇلى بىزدە ۇلت­تىق سپورتىمىزدىڭ ءتۇرى 350-دەن اسا­تىنىن ايتىپ، دالەلدەپ باعۋدا. الايدا بۇل دا ناقتى تسيفر ەمەس.

حالىقتىڭ اراسىندا ءالى انىقتالماعان سپورت تۇرلەرى وتە كوپ. سونىڭ بارلىعىن قاي­تا جانداندىرىپ، مەملەكەتتىك دەڭگەيدە قول­عا الار بولساق، بولاشاقتا سولاردىڭ ءبى­رازىن وليمپيادالىق ويىنداردىڭ باع­دارلاماسىنا قوسۋعا بولار ەدى. «ناۋرىز مەي­رامىنا وراي» دەيمىز دە، فۋتبولدان دا، تاەكۆوندودان دا، بوكستان دا بەي-بە­رەكەت دودالار وتكىزەمىز. سپورتتىڭ بۇل ءتۇر­لە­رى بىزدە شەتقاقپاي كورىپ وتىرعان جوق. فۋت­بول، باسكەتبول سىندى ويىنداردىڭ قا­زاق­قا وكپەسى جوق تا شىعار. بۇل ويىنداردان تۋر­نيرلەردى باسقا ۋاقىتتاردا دا وتكىزۋگە بو­لادى. ال ۇلىستىڭ ۇلى كۇنىندە، كەرىسىنشە، ۇلت­تىق ويىندارىمىزدى ۇلىق­تاعانىمىز اب­زال ەدى. ماسەلەن، بىلتىر ناۋرىز مە­رە­كەسىنە وراي، ءوز اكادەميامىزدا بەس تاس ويى­نىنان تۋرنير وتكىزدىك. وكىنىشتىسى، ەرە­جەسىن بىلەتىندەر وتە از بولدى. جاستاردىڭ دەنى ونىڭ قانداي ويىن ەكەنىن دە بىلمەيدى. سول كەزدە جۇلدەلەردى موڭعوليا مەن قى­تايدان كەلگەن قانداستارىمىز يەلەنگەن. ال بەس تاستىڭ دەنساۋلىققا پايدالى ەكەن­دى­گىنە كورەيالىق ماماندار وسىدان بىرنەشە جىل بۇرىن كوز جەتكىزگەن. مىنە، ناۋرىز مە­رەكەسىن پايدالانىپ، وسىنداي ۇمىت قا­لىپ بارا جاتقان ويىندارىمىز بەن سپورت ءتۇر­لەرىمىزدى ناسيحاتتاپ قالۋىمىز كەرەك. ءما­سەلەن، اتام قازاق ۇلىستىڭ ۇلى كۇنىندە جاي عانا ات جارىستارىن وتكىزىپ قويماعان. تۇل­پارلارىن ساندەپ، سالتاناتتىق پاراد سە­كىلدى شارالار ۇيىمداستىرعان. 

جاستار قىز بەن جىگىتتەر اراسىندا اقسۇيەك، ال­تى­باقان، قىز قۋ سەكىلدى ويىنداردى وتكىزگەن. قا­زىر بۇلار مۇلدەم وتكىزىلمەيدى»، – دەدى قىنجىلا سويلەگەن ەلەمەس ءالىمحانۇلى.

راسىندا، نەلىكتەن فۋتبول، تەننيس، تاەك­ۆوندو سىندى سپورت تۇرلەرىنەن تۋرنيرلەر ءوت­كىزگەنشە، ناۋرىز مەيرامىندا ءوزىمىزدىڭ ءتول سپورت تۇرلەرىمىزدى ناسيحاتتاماسقا؟! ءما­سەلەن، اكىمشىلىكتەر، قوعامدىق قوزعا­لىس­تار ۇلىستىڭ ۇلى كۇنىندە قازاق كۇ­رە­سىنەن، توعىزقۇمالاقتان، ارقان تارتىس، تەڭ­گە ءىلۋ سەكىلدى سپورت تۇرلەرىنەن تۋرنيرلەر ءوت­كىزسە، تۇركى حالقىنا ورتاق بۇل مەيرامعا ءوزىن­دىك ءبىر ءار بەرەر ەدى عوي. ال بابا­لا­رى­مىز­دىڭ ەڭ سۇيىكتى ويىندارىنىڭ ءبىرى اۋ­دارىسپاق شە؟ ونىڭ جاپون سۋموسىنان قاي جەرى كەم؟

– جاپوندار سول سۋموسىن وليمپيادا ويىندارىنىڭ باعدارلاماسىنا ەنگىزۋگە بار كۇشىن سالىپ جاتىر. جاقىن ۋاقىتتا ماق­ساتتارىنا جەتەدى دە. ال سول سۋمودان ءبىزدىڭ قازاق كۇرەسىمىز نەمەسە اۋدارىس­پا­عى­مىز الدەقايدا قىزىق ەمەس پە؟! – دەپ ويىن بىلدىرگەن حالىقارالىق «الاش» سىي­لى­عىنىڭ يەگەرى، قازاقتىڭ سالت-داستۇرلەرىن زەرت­تەۋشى كادىربەك سەگىزباي اڭگىمەسىن بى­لاي جالعاستىردى:

— سۋمونىڭ ماقساتى – قار­سىلاسىن شەڭبەردەن شىعارىپ تاستاۋ. ال اۋدا­رىسپاقتا بىلەكتىلەر ءبىر-ءبىرىن اتتان اۋ­دارىپ جىبەرۋگە تىرىسادى. ەندى بۇل ەكى سپورت ءتۇرىنىڭ قايسىسى قىزىق ەكەنىن ءوز­دە­رىڭىز سومداي بەرىڭىزدەر. ەگەر وسىنداي ۇلت­تىق سپورت تۇرلەرىمىزدى ۇلىستىڭ ۇلى كۇ­نىن­دە بارىنشا ۇلىقتاساق، وندا ناۋرىز مە­رەكەسىنىڭ ناعىز ءيىسى سەزىلىپ تۇرار ەدى. سون­داي-اق بۇگىندە ناۋرىز مەرەكەسىن جا­بىق عيماراتتىڭ ىشىندە تويلاۋ داستۇرگە اي­­نالىپ بارادى. ال بابالارىمىز بۇل مە­رە­كەنى جابىق كەشەندە وتكىزبەگەن. جا­زىق دالادا تويلاپ، ءارتۇرلى سپورت تۇرلەرىنەن دودالار ۇيىمداستىرعان. ءال­بەت­تە، اۋا رايىنىڭ قولايسىزدىعىن سىل­تاۋ ەتۋگە بولاتىن شىعار. بىراق ەسىمدە، بالا كەزى­مىزدە ءبىزدىڭ شىعىستا كۇن سۋىق، جەر قارلى بولسا دا ناۋرىز مەرەكەسىن دالادا توي­لايتىن. شانا جارىستارىنان باسەكەلەر وتكىزەتىن. قار ۇستىندە وينالاتىن باسقا دا ۇلتتىق ويىن­دارىمىز از ەمەس. تاعى ءبىر ايتارىم، سە­گىز سەرى دەگەن بولعان ەكەن. جانىندا 365 سە­رىسى بولعان دەسەدى. ولار اۋىل-اۋىلداردى ارا­لاپ، ساۋىق-ساي­ران قۇرعان كەزدە كەز كەل­گەن مەيرامىڭ تويعا اينالاتىن. بۇگىندە دە وسىنداي سەگىز سەرى سەكىلدى سەرىلەر كەرەك. ناۋ­رىز مەرە­كە­سىن­دە ءانشى، سپورتشى، ونەر­پاز سەكىلدى جۇل­دىزداردان سونداي توپتار قۇ­راپ، اۋىل-ايماقتاردا گاسترول جاساسا، ول جاقتا بۇل توپتار سپورتتىق شارالار ءوت­كىزىپ، سالتانات قۇرسا، حالىقتىڭ ەسىنەن كەت­پەس مەيرام بولار ەدى.

ەرعالي مۋحيدەنوۆ، قازاقتىڭ تۋريزم جانە سپورت اكادەمياسى ۇلتتىق سپورت تۇرلەرى كافەدراسىنىڭ مەڭگەرۋشىسى:

– قازاقتىڭ كەز كەلگەن ءتول سپورت تۇرلەرىن ناۋرىز مە­رە­كەسىندە ءوت­كىزە بەرۋ كەرەك. الەم­دىك ويىن­دار ون­سىز دا ەلى­مىزدە كەڭىنەن قا­­نات جايىپ ال­دى عوي. ال بۇل مەيرامدا ال­دىمەن ءوزى­مىزدىڭ ۇلتتىق ويىن­­دارىمىزدى ۇلىق­تاپ، سو­دان كەيىن عانا باس­قا سپورت ءتۇر­لەرىنەن جا­رىس­تار ءوت­كى­زۋىمىز قاجەت. قا­زىر ەلىمىزدە ۇلت­تىق ويىن­داردى دامىتۋ مىق­تاپ قولعا الىنعانىمەن، جاع­­دايى ءالى دە ءماز ەمەس. ۇلت­­تىق ويىن­دارىمىزدىڭ بار­­شا قازاققا كەڭىنەن جا­­يى­لۋىنا وسى ۇلىستىڭ ۇلى كۇ­نى سەبەپشى بولسا، مەن قۋا­نار ەدىم.


 ءازيز ءجۇمادىل، «الاش ايناسى».

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket