ەلىمىزدە تاعى ەكى بايلانىس وپەراتورلارى باعانى قىمباتتاتادى

Kcell جانە Activ ابونەنتتەرىنە تاريفتەر بويىنشا ابونەنتتىك تولەم وسەتىنى تۋرالى حابارلامالار كەلگەن.  ال بۇل وسىمگە وپەراتورلار:

"باعالاردىڭ ورتاشا ءوسىمى ءتاريفتىڭ قازىرگى شارتتارىنا بايلانىستى 6-دان 25 پايىزعا دەيىن (ورتا ەسەپپەن 400 تەڭگە) بولادى", – دەپ جاۋاپ بەردى.

Kcell جانە Activ تاريفتىك ساياساتى نارىقتىق جاعدايلارعا بايلانىستى قالىپتاساتىنى دا ايتىلدى.

ء"بىزدىڭ وزىندىك قۇنىمىز جىل سايىن ءوسىپ كەلەدى. مىسالى، ەلەكتر ەنەرگياسىنىڭ قىمباتتاۋى تاريف قۇنىنا تىكەلەي اسەر ەتەدى. سالىستىرمالى تۇردە ايتساق، ءبىر بازالىق ستانتسيا 20 ورتاشا پاتەر تۇتىناتىن ەلەكتر ەنەرگياسىن پايدالانادى. سونىمەن قاتار، ۆاليۋتا باعامىنىڭ اۋىتقۋى دا قىزمەت قۇنىنا اسەر ەتەدى، سەبەبى جەلىنى جاڭعىرتۋ جانە قولداۋ ءۇشىن قاجەتتى جابدىق شەتەلدەن ساتىپ الىنادى", – دەپ ءتۇسىندىردى كومپانيا.

ايتا كەتەيىك، قازاقستاندىقتار 4 تامىز كۇنى Tele2 مەن Altel وپەراتورلارىنداعى ينتەرنەت ماسەلەسىنە شاعىمدانعان ەدى.