Shymkent qalasy turǵyn úı basqarmasy basshysynyń orynbasary Azat Momynov bıýdjet qarajatyn jymqyrǵany úshin sottaldy, dep habarlaıdy "Adyrna" ulttyq portaly.
Shymkent ákimi turǵyn úı basqarmasyndaǵy jemqorlyq daýyna baılanysty orynbasarynyń otstavkasyn qabyldamady. Bul týraly megapolıs basshysy Ǵabıt Syzdyqbekov Ortalyq kommýnıkaııalar qyzmetindegi brıfıngte málimdedi. Jaýapty basqarmany qadaǵalaǵan ákim orynbasary otstavkaǵa ketý týraly ótinish jazǵan.
«Meniń orynbasarym óz erkimen otstavkaǵa ketý týraly ótinish jazdy. Men onyń ótinishin qabyldamadym. Barlyq rásimder zańǵa sáıkes júrgizildi», – dedi ákim Syzdyqbekov.
Tamyz aıynda sot Shymkent qalasy turǵyn úı basqarmasy basshysynyń orynbasary Azat Momynovqa úkim shyǵardy. 2023 jyly sheneýnik kópqabatty turǵyn úılerdi jóndeýge jáne olardyń seısmıkalyq turaqtylyǵyn tekserýge bólingen 367 mıllıon teńgeden astam qarjyny jymqyrǵan. Sot Momynovty múlkin tárkileýmen birge toǵyz jylǵa bas bostandyǵynan aıyrdy.
