مەملەكەت باسشىسى قاسىم-جومارت توقاەۆ پرەمەر-مينيسترگە، پرەزيدەنت اكىمشىلىگىنىڭ باسشىسىنا جانە كۇشتىك قۇرىلىمداردىڭ جەتەكشىلەرى مەن بارلىق اكىمدەرگە ۋكراينا توڭىرەگىندەگى جاعدايدىڭ ۋشىعۋىنا بايلانىستى نەگىزگى اسكەري جانە ازاماتتىق نىسانداردىڭ قاۋىپسىزدىگىن قامتاماسىز ەتۋ جونىندە شۇعىل شارالار قابىلداۋدى تاپسىردى. بۇل تۋرالى قازاقستان پرەزيدەنتىنىڭ ءباسپاسوز حاتشىسى بەرىك ءۋالي جاريالادى، دەپ حابارلايدى “ادىرنا” ۇلتتىق پورتالى.
«پارلامەنت پالاتالارىنىڭ توراعالارى قابىلدانىپ جاتقان ءىس-قيمىل تۋرالى حاباردار ەتىلدى.پرەزيدەنت ەلىمىزدەگى جاعدايدى ءوز باقىلاۋىندا ۇستاپ وتىر.
ءبىزدىڭ ەلىمىز ءۇشىن باستى ستراتەگيالىق ماقسات – تۇراقتىلىقتى، تىنىشتىقتى، زاڭ مەن ءتارتىپ ۇستەمدىگىن ساقتاۋ.
قازاقستان سلاۆيان ەكى حالىق اراسىنداعى قاقتىعىستى كەلىسسوز ارقىلى توقتاتۋ قاجەت ەكەنىن بىرنەشە رەت مالىمدەگەن بولاتىن»، دەلىنگەن حابارلامادا.
