بۇگىن سارىاعاش اۋداندىق مادەنيەت ۇيىندە جاستار اراسىندا ءحانبيبى ەسەنقاراقىزىنىڭ 75 جىلدىق مەرەيتويىنا ارنالعان «ءحانبيبى وقۋلارى» اتتى كوركەمسوز وقۋ شەبەرلەرىنىڭ بايقاۋى ءوتتى. ءسوز سايىسى قالامگەردىڭ شىعارماشىلىعىن ناسيحاتتاۋعا، شىعارماشىلىق قابىلەتتەرى مەن ەستەتيكالىق تالعامدارىن، تۇلعالىق سەزىم مادەنيەتىن دامىتۋعا، سونداي-اق ازاماتتىققا باعىتتالعان.
اتالعان شاراعا اۋدان اكىمى ارمان ابدۋللاەۆ ارنايى قاتىستى. مەرەيتوي يەسىن قۇتتىقتاپ، ارنايى العىس حاتپەن ماراپاتتادى. بايقاۋ قاتىسۋشىلارىنا ساتتىلىك تىلەدى. اتالعان شارا 2015 جىلدان بەرى تۋعان جەرىنىڭ ماقتانىشىنا اينالعان قالامگەردىڭ شىعارماشىلىعىنا ارناپ جىل سايىن ءداستۇرلى تۇردە وتكىزىلەدى.
بايقاۋعا 17 ۇمىتكەردىڭ ءوتىنىمى قابىلدانىپ، ىرىكتەلدى. قاتىسۋشىلاردى سىن سۇزگىسىنەن ءسوز ونەرىن جانىمەن ۇعاتىن ءادىل قازىلار القاسى، اتاپ ايتقاندا قازاقستان جازۋشىلار وداعىنىڭ مۇشەسى باقىتجان الديار، ارداگەر ۇستاز اسقار بايزاقوۆ، اقىن سۇلۋحان مىڭباەۆا، ۇستاز جۇماگۇل قۇمانوۆالار تيىسىنشە ورىنداردى تابىستادى. باس جۇلدەنى جىبەك جولى اۋىلدىق وكرۋگىنەن نۇرسايا ورالباي، ءى ورىندى ءالىمتاۋ اۋىلدىق وكرۋگىنەن نۇردوس تۇرسىنباي، ءىى ورىندى جىلعا اۋىلدىق وكرۋگىنەن ايگۇل توعىزباەۆا، ءىىى ورىندى جىبەك جولى اۋىلدىق وكرۋگىنەن بالاۋسا ەرگەش، ءىىى ورىندى تەگىسشىل اۋىلدىق وكرۋگىنەن راۋانا ارشاباي جەڭىپ الدى. جەڭىمپازدار اۋدان اكىمىنىڭ العىس حاتتارىمەن ماراپاتتالىپ، باعالى سىيلىقتار تابىستالدى.
ايتا كەتەيىك، سارىاعاش اۋدانىنىڭ تۋماسى ءحانبيبى ەسەنقاراقىزى – قر ەڭبەك سىڭىرگەن قىزمەتكەرى، حالىقارالىق «الاش» سىيلىعىنىڭ لاۋرەاتى، «پاراسات»، «بارىس» وردەندەرىنىڭ يەگەرى.
تۇركىستان وبلىسى اكىمىنىڭ ءباسپاسوز قىزمەتى65Nursulu20:20
