Búgin Saryaǵash aýdandyq mádenıet úıinde jastar arasynda Hanbıbi Esenqaraqyzynyń 75 jyldyq mereıtoıyna arnalǵan «Hanbıbi oqýlary» atty kórkemsóz oqý sheberleriniń baıqaýy ótti. Sóz saıysy qalamgerdiń shyǵarmashylyǵyn nasıhattaýǵa, shyǵarmashylyq qabiletteri men estetıkalyq talǵamdaryn, tulǵalyq sezim mádenıetin damytýǵa, sondaı-aq azamattyqqa baǵyttalǵan.
Atalǵan sharaǵa aýdan ákimi Arman Abdýllaev arnaıy qatysty. Mereıtoı ıesin quttyqtap, arnaıy alǵys hatpen marapattady. Baıqaý qatysýshylaryna sáttilik tiledi. Atalǵan shara 2015 jyldan beri týǵan jeriniń maqtanyshyna aınalǵan qalamgerdiń shyǵarmashylyǵyna arnap jyl saıyn dástúrli túrde ótkiziledi.
Baıqaýǵa 17 úmitkerdiń ótinimi qabyldanyp, irikteldi. Qatysýshylardy syn súzgisinen sóz ónerin janymen uǵatyn ádil qazylar alqasy, atap aıtqanda Qazaqstan Jazýshylar odaǵynyń múshesi Baqytjan Aldııar, ardager ustaz Asqar Baızaqov, aqyn Sulýhan Myńbaeva, ustaz Jumagúl Qumanovalar tıisinshe oryndardy tabystady. Bas júldeni Jibek joly aýyldyq okrýginen Nursaıa Oralbaı, I oryndy Álimtaý aýyldyq okrýginen Nurdos Tursynbaı, II oryndy Jylǵa aýyldyq okrýginen Aıgúl Toǵyzbaeva, III oryndy Jibek joly aýyldyq okrýginen Balaýsa Ergesh, III oryndy Tegisshil aýyldyq okrýginen Raýana Arshabaı jeńip aldy. Jeńimpazdar aýdan ákiminiń alǵys hattarymen marapattalyp, baǵaly syılyqtar tabystaldy.
Aıta keteıik, Saryaǵash aýdanynyń týmasy Hanbıbi Esenqaraqyzy – QR Eńbek sińirgen qyzmetkeri, Halyqaralyq «Alash» syılyǵynyń laýreaty, «Parasat», «Barys» ordenderiniń ıegeri.
Túrkistan oblysy ákiminiń baspasóz qyzmeti65Nursulu20:20
