13 قاراشا كۇنى وتكەن «Qazaq Aruy» بايقاۋىنىڭ جەڭىمپازىن قايتا انىقتاماقشى. بۇل تۋرالى بايان الاگوزوۆا ءوزىنىڭ Instagram پاراقشاسىندا مالىمدەدى، دەپ حابارلايدى “ادىرنا” ۇلتتىق پورتالى.
پروديۋسسەر كونكۋرس پروۆايدەرىنەن داۋىس بەرۋشىلەردىڭ كوپتىگىنە بايلانىستى تەحنيكالىق اقاۋ شىعىپ، 15 مينۋت جۇمىس ىستەيتىن تەلەگرام-بوت نەبارى 4 مينۋت قانا جۇمىس اتقارعانىن ءتۇسىندىردى.
جارتى ميلليونعا جۋىق ادام داۋىس بەرۋگە نيەت ءبىلدىردى. بۇل ءبىزدىڭ بايقاۋىمىزدىڭ تانىمالدىعى تۋرالى ايتىپ وتىر، سوندىقتان ءبىز ۇيىمداستىرۋشىلار رەتىندە پروۆايدەردىڭ قاتەسىن تۇزەتكىمىز كەلەدى جانە داۋىس بەرۋدى ەرتەڭگى ترانسلياتسياعا اۋىستىرعىمىز كەلەدى. ەرتەڭ الماتى ۋاقىتىمەن ساعات 17:00-دە كتك تەلەارناسى 13 قاراشادا وسىندا وتكەن جارىستى كورسەتەدى.ول بولعان وقيعانى كورسەتەدى، بىراق حابار كەزىندە داۋىس بەرۋدى قايتا باستايمىز، – دەدى بايان الاگوزوۆا ءوزىنىڭ پاراقشاسىندا.
كەلەسى داۋىس بەرۋ ەرتەڭ 17:00-دەن 19:30 ارالىعىندا بولادى. سونداي-اق پروديۋسەر تەحنيكالىق اقاۋلارعا ارنا جاۋاپتى ەمەس ەكەنىن دە ەسكەرتتى.
