2024 جىلعى 14 قاراشادا استانا قالاسىندا «ادال ۇرپاق» ەرىكتى مەكتەپ كلۋبتارىنىڭ قالالىق سلەتىنىڭ اقتىق كەزەڭى ءساتتى ءوتتى. ءىس-شارا بارىسىندا قالا مەكتەپتەرىنىڭ وقۋشىلارى سىبايلاس جەمقورلىققا قارسى كۇرەس جانە ادالدىق قاعيداتتارىن ناسيحاتتايتىن تەاترلاندىرىلعان قويىلىمدارىن ۇسىندى.
سلەت ەكى كەزەڭنەن تۇردى: ىرىكتەۋ جانە اقتىق كەزەڭدەر. ىرىكتەۋ كەزەڭدەرى قالانىڭ ءار اۋدانىندا وتكىزىلدى، ناتيجەسىندە ۇزدىك دەپ تانىلعان 10 مەكتەپ اقتىق كەزەڭگە ءوتتى. ءار مەكتەپ ءوز قويىلىمىندا «جەمقورلىقسىز ءومىر – ادال ءومىر» تاقىرىبىن اشىپ، ادىلدىك پەن ار-نامىس قاعيدالارىن كورسەتتى.
ءىس-شارانى ۇيىمداستىرۋعا استانا قالاسى ىشكى ساياسات باسقارماسى، قر سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتى، استانا قالاسىنىڭ ءبىلىم باسقارماسى جانە «قاراعاندى وبلىسىنىڭ جاستار مەن بالالار ۇيىمدارىنىڭ وداعى» جاستار قوعامدىق بىرلەستىگى قولداۋ كورسەتتى.
اقتىق كەزەڭنىڭ ناتيجەسى بويىنشا جۇلدەلى ورىندار كەلەسىدەي ءبولىندى:
- 1 ورىن جانە 100 000 تەڭگەلىك سەرتيفيكات – مۇقاعالي ماقاتاەۆ اتىنداعى №74 مەكتەپ-گيمنازياسى;
- 2 ورىن جانە 50 000 تەڭگەلىك سەرتيفيكات – اباي قۇنانبايۇلى اتىنداعى №87 مەكتەپ-گيمنازياسى;
- 3 ورىن جانە 30 000 تەڭگەلىك سەرتيفيكات – دىنمۇحامەد قوناەۆ اتىنداعى №66 مەكتەپ-ليتسەيى.
بارلىق قاتىسۋشى مەكتەپتەر بەلسەندى قاتىسقانى ءۇشىن ديپلومدارمەن ماراپاتتالدى. بۇل سلەت جاستاردى سىبايلاس جەمقورلىققا قارسى كۇرەسكە، ادالدىق پەن ادىلدىككە باۋلىپ، ۇلتىمىزدىڭ جارقىن بولاشاعىن قالىپتاستىرۋعا ءوز ۇلەسىن قوساتىن ماڭىزدى شارا بولىپ سانالادى.
