بەلگىلى پروديۋسەر بايان ماقساتقىزى “قازاق ارۋى” بايقاۋىن سىناعاندارعا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
پرليۋسەر بايقاۋدى ءادىل وتپەدى دەگەندەرگە جاۋاپ بەردى.
“بايقاۋ بىتكەننەن كەيىن تۇسىنبەۋشىلىككە تاپ بولدىق. ادامدار ءادىل وتپەدى، داۋىس بەرۋ بوتى جۇمىس ىستەمەدى دەپ جاتىر. داۋىس بەرۋشىلەر سانى وتە كوپ بولدى. Telegram رەسمي پاراقشاسىنىڭ ءوزى بىزگە ادامنىڭ كوپتىگىنەن بوت جۇكتەلىپ جاتقانىن حابارلادى. ءبىز بارلىعىن حاتتاماعا ەنگىزدىك. داۋىس بەرۋ اشىق ءارى وتكەنى جايلى دالەل بار. بايقاۋ وتكەن زالدا ينتەرنەت دۇرىس ىستەمەدى. ونداعى حالىق، ياعني 700 ادام داۋىس بەرە المادى. بىراق قالعان 65 مىڭ ادام داۋىس بەردى", – دەپ ءتۇسىندىردى پروديۋسەر
جەلىدەگى وقىرمان: "بايقاۋ قالاي ءادىل ءوتتى؟", "بوت جۇمىس ىستەمەدى", "الدىن الا تاڭدالعان عوي" دەلىنگەن. پروديۋسەر ارۋلار بايقاۋىنىڭ ارتى ۇنەمى داۋعا ۇلاساتىنىن دا اجسىرمادى.
“وسىنداي شاراعا قىرۋار اقشا جۇمساپ، جەڭىستى بىرەۋگە الىپ بەرۋ بىزگە قىزىق ەمەس. وندايمەن اينالىسپايمىز. جەڭىمپازداردى سوكپەيدى. ادامدار نەشە ءتۇرلى پىكىر ايتادى. بايقاۋدىڭ ءادىل وتپەۋى بويىنشا جىل سايىن ماعان ايىپ تاعىلادى. بىزدە بارلىق دالەل، حاتتاما بار", – دەدى الاگوزوۆا.
بيىل "قازاق ارۋى - 2024" بايقاۋىندا قىزىلوردانىڭ تۋماسى اقكەربەز ىسقاققىزى جەڭىسكە جەتتى.
