اقتوبەدەگى «قازحروم» كاسىپورنىندا تاعى ءبىر جۇمىسشى قازا بولدى. قارالى حاباردى كومپانيانىڭ ءباسپاسوز قىزمەتى جەتكىزدى، دەپ حابارلادى «ادىرنا» ءتىلشىسى.
وقيعا 4 قاراشادا بولعان.
«قازحروم»تۇك» اق فيليالى - ءدوڭ تاۋ-كەن بايىتۋ كومبيناتىندا مونتاجداۋ جۇمىسىن جۇرگىزىپ جاتقان مەردىگەر ۇيىمنىڭ قىزمەتكەرى بيىكتەن قۇلاپ كەتتى. كومپانيا وعان كاسىبي مەديتسينالىق كومەك كورسەتۋ ءۇشىن بار كۇشىن سالدى. ونىڭ ءومىرى ءۇشىن دارىگەرلەر بىرنەشە كۇن بويى كۇرەستى. وكىنىشكە قاراي، قۇتقارۋ مۇمكىن بولمادى»، – دەلىنگەن حابارلامادا.
قازىر وقيعا تۋرالى مەملەكەتتىك ورگاندارعا حابارلانىپ، تەرگەۋ امالدارى جۇرگىزىلىپ جاتىر.
ەسكە سالا كەتەيىك، 30 قازاندا ءدوڭ كەن-بايىتۋ كومبيناتىندا كولىك اۋدارىلىپ، ەكى جۇمىسشى كوز جۇمعان ەدى.
«قازحروم» كورپوراتسياسى «ەۋرازيالىق ۇشتىك» دەپ اتالاتىن وليگارحتار – الەكساندر ماشكەۆيچ، پاتوح شوديەۆ جانە يبراگيموۆتار وتباسىلارى تيەسىلى ERG كورپوراتسياسىنىڭ قۇرامىنا كىرەدى.
