...توي يەسى مەن اسابا بولاتىن تويدىڭ ستسەناريىن الدىن-الا بىرىگىپ جاساي ما ءوزى؟ وندايلار از-اۋ. “تويدا قانداي ءازىل ايتاسىز”، “قانداي ءان قويىلادى”، “قانداي ويىندار ويناتاسىز” دەپ سۇرايتىندار كوپ ەمەس. كوبىنە ءتىزىم بەرىپ، مىنادان كەيىن مىناۋ سويلەيدى دەگەنگە بارىن سالادى.
كەشىككەن ادامدار. ءبىر-ءبىرىنىڭ ۋاقىتىن باعالامايدى. بىتپەيتىن تىلەك ايتۋ. سوڭعى ادام تىلەك ايتقانشا كۇتىپ، شارشايسىڭ. “جۇمىسىم بار” دەپ ءايتىپ-ءبۇيتىپ شىعىپ كەتۋگە تىرىساسىڭ. كەي اسابانىڭ ازىلى…ەندى ءازىل دە ەمەس. ازىلدەيمىن دەپ كەيدە تويداعى كەي قوناقتىڭ كوڭىلىنە تيەتىن سوزدەردى ايتادى. “مىرتىق”، “تومپيعان ايۋداي ەكەنسىڭ”، “كوزىڭىز قىتاي سياقتى سىعىر ەكەن” دەگەندەي سىرتقى كەلبەتكە تيسە سويلەپ، ازىلدەگەندەي بولادى. ءازىل ما سول؟! ءتۇرلى ۇيات ويىنداردى دا ويناتىپ جاتادى. كەي قارياعا باتا بەرىڭىز دەسە، تىلەك ايتىپ تۇرادى.
“قازاقتىڭ تويى دۇركىرەپ وتەدى، 300-400 ادام كەلدى” دەپ ماقتانىپ وتىرادى كەيدە. سول ماقتاناتىن دۇنيە مە؟ بار بولعانى ىسىراپشىلدىق كورىنىسى عوي.
تويعا ء“وزىن-ءوزى اقتايتىن شىعار” دەگەن ويمەن قارجىنى اياماي سالادى. بىراق ول توي اقتاۋى دا، اقتاماۋى دا مۇمكىن. بىلايشا قاراساڭ بۇل قارجىلىق ساۋاتتىڭ تومەندىگى عوي.
Ashat Kasengali
