پروكۋرور ايجان ايماعانوۆا قحا انالار فورۋمىندا ءسوز سويلەپ، حالىقتى «ءتارتىپتى وزىڭنەن باستا!» اكتسياسىن باستاۋعا شاقىردى.
ول الدىمەن قازاقستان حالقى اسسامبلەياسى جانىنداعى انالار كەڭەسىنىڭ 10 جىلدىق مەرەيتويىمەن قۇتتىقتاپ، ماڭىزدىلىعى تۋرالى ايتتى.
«وسى 10 جىل ىشىندە انالار كەڭەسى ەلىمىزدەگى بەدەلدى قوعامدىق ينستيتۋتتاردىڭ بىرىنە اينالدى. ۇيىمنىڭ وڭىرلەردە ءوز كوشباسشىلارى مەن قولداۋشىلارى قالىپتاستى. بۇگىندە ولاردىڭ باسىن بىرىكتىرەتىن ءبىر عانا مۇددە بار. ول – ۇلتتىڭ ساۋلىعى مەن تاربيەسى، ىنتىماعى مەن بىرلىگى. سىزدەردىڭ وتباسى ينستيتۋتىن ساقتاۋ مەن نىعايتۋعا، وسكەلەڭ ۇرپاقتى تاربيەلەۋگە، جاستار اراسىنداعى قۇقىق بۇزۋشىلىقتىڭ الدىن الۋعا ارنالعان باستامالارىڭىزدىڭ ماڭىزىن ەرەكشە اتاپ وتكىم كەلەدى. انالار كەڭەسىنىڭ مۇشەلەرى ارقاشان قوعامداعى وزەكتى ماسەلەلەرگە ءۇن قوسىپ، ونى شەشۋگە بەلسەنە قاتىسۋدا. ونىڭ ىشىندە قۇقىقتىق تاربيە بەرۋ ماسەلەسى دە بار» – دەدى ول.
سونىمەن قاتار، سوڭعى ۋاقىتتا جاستار اراسىنداعى قۇقىق بۇزۋشىلىقتىڭ كوبەيگەنىن ايتىپ، زورلىق-زومبىلىق، ۆانداليزم، بۇزاقىلىق فاكتىلەرى، بالالارعا قاتىستى قىلمىستاردىڭ ارتۋى الاڭداتاتىن ماسەلە ەكەنىن ەسكە سالدى.
«مەن پروكۋراتۋرا قىزمەتكەرى رەتىندە كۇن سايىن وسىنداي ىستەردىڭ كۋاسىمىن. بۇل بىزگە مورالدىق-پسيحولوگيالىق تۇرعىدان وتە اۋىر. ءبىر جاعىنان انا رەتىندە اياعىن شالىس باسقان جاستاردىڭ بولاشاعىنا ۋايىمدايمىز، ەكىنشى جاعىنان زاڭگەر رەتىندە جانىڭ اۋىرادى. قالاي دەسەك تە، زاڭدى شەشىم شىعارىپ، جاستاردى تۋرا جولعا سالۋعا تىرىسامىز. بىراق، نەگە ءبىزدىڭ بالالار زاڭ بۇزادى؟ نەگە قاتىگەزدىك تانىتادى؟ وسى ويلار كوپ مازالايدى مەنى، وسى ويلاردان ءبىر تۇيگەنىم، وتباسىندا تاربيە قۇلدىراپ تۇر. «ەل بولامىن دەسەڭ بەسىگىندى تۇزە» دەپ ايتقان مۇحتار اۋەزوۆ. ەندەشە، وتباسىنا بەت بۇرايىق» - دەدى ايجان ايماعانوۆا.
