9-10 قاراشادا ساعات 08.00-دەن 17.00-گە دەيىن الماتى قالاسىندا كەڭەيتىلگەن اۋىلشارۋاشىلىق جارمەڭكەسى وتەدى. جارمەڭكەگە جامبىل وبلىسى مەن الماتى قالاسى اۋىلشارۋاشىلىق وندىرۋشىلەرى قاتىسادى.
جارمەڭكەگە 50-دەن استام ءونىم تۇرلەرى (ەت جانە ءسۇت، جەمىس-كوكونىس، شۇجىق ونىمدەرى، ۇن، جارما، وسىمدىك جانە جانۋار مايلارى جانە ت.ب.) قويىلادى.
ءونىمنىڭ جالپى كولەمى 280 توننا قۇرايدى، ونىڭ ىشىندە:
ەت ءونىمى – 40 توننا;
جەمىس-كوكونىس ءونىمى – 120 توننا;
ءسۇت ءونىمى – 60 توننا;
بالىق ونىمدەرى – 5 توننا;
وزگە ونىمدەر – 55 توننا.
جارمەڭكە وتەتىن ورىن – الماتى قالاسى، ساتباەۆ كوشەسىنىڭ بويىمەن ۋاليحانوۆ كوشەسى مەن دوستىق داڭعىلى ارالىعىندا.
اۋىل شارۋاشىلىعى جارمەڭكەسىن وتكىزۋگە بايلانىستى ساتباەۆ كوشەسىنىڭ ءۋاليحانوۆ كوشەسىنەن دوستىق داڭعىلىنا دەيىنگى بولىگىندە 8 قاراشادا ساعات 20:00-دەن 10 قاراشادا 20:00-گە دەيىن جابىلادى.
جارمەڭكەنى وتكىزۋ كەزىندە №45, №95 جانە №121 باعىتتاردىڭ سىزبالارى وزگەرەدى. جابىلاتىن ۋچاسكەنى اينالىپ ءوتۋ اباي داڭعىلى بويىنشا جۇرگىزىلەتىن بولادى.
