قازاقستاننىڭ رەسەيدەگى ەكس-ەلشىسى يمانعالي تاسماعامبەتوۆتىڭ قازاقستان گولف فەدەراتسياسىنىڭ پرەزيدەنتى بولىپ تاعايىندالۋىنا قازاقستاندىقتار نارازىلىق ءبىلدىردى. جەلى قولدانۋشىلارى اتالعان گولف-كلۋبتارىن كىمنىڭ جانە قانداي قاراجاتپەن اشاتىنىنا تاڭعالدى، دەپ حابارلايدى "ادىرنا" ۇلتتىق پورتالى "Azattyq Rýhy" سايتىنا سىلتەمە جاساپ.
18 مامىردا قازاقستان گولف فەدەراتسياسىنىڭ جاڭا پرەزيدەنتى بولىپ يمانعالي تاسماعامبەتوۆ سايلانعانى بەلگىلى بولدى. بۇل اقپارات قازاقستاندىقتاردىڭ اشۋىن كەلتىردى.
"جاقىندا قازاقستان گولف فەدەراتسياسىنىڭ باسشىسىن قايتا سايلاۋ تۋرالى اقپارات تارادى. ونى كىم تاڭدادى؟ سول گولفتەرىن ايتپاي-اق، ادامداردى اشۋلاندىرماسا جاقسى بولار ەدى. ولار نە ايتقىسى كەلدى؟ گولف كلۋتارىن كىم سالدى، وعان قارجىنى قايدان الدى؟ بۇلار ەليتا رەتىندە كورىنگىسى كەلەدى، ءتۇپتىڭ تۇبىندە قاي جەردەن شىققانىن ۇمىتىپ كەتتى مە؟ ولار جاقسى دەگەن كۋرورتتىق ورىنداردى تارتىپ الدى، نە بولماسا بىرەۋدىڭ اقشاسىنا سالدى. ءتىپتى سول كلۋب مەملەكەتتىكى بولۋى دا ابدەن مۇمكىن، ايتەۋىر ءوز كۇشتەرىمەن سالماعانى انىق. بۇل گولف كلۋبتارىنىڭ جەرى مەن مۇلكىنىڭ يەسى كىم؟ ەگەر مەملەكەت بولسا، وندا بارلىق ادامدارعا ارزان باعامەن قولجەتىمدىلىكتى قامتاماسىز ەتسىن. ال ەگەر جەكە ادام اشسا، ونىڭ مۇنداي ورىندى قالاي العانىن تەكسەرۋ كەرەك ەمەس پە؟ ايتپاقشى، قازاقستان رەسپۋبليكاسىنىڭ جەر كاداسترىنىڭ سايتىندا ششۋچينسك ماڭىنداعى گولف كلۋبى جەرىنىڭ مەنشىك قۇقىعى جوق. مۇنى قالاي تۇسىنۋگە بولادى؟", - دەپ جازدى فەيسبۋكتە رۇستەم جانسەيىتوۆ.
جەلىدە كوممەنتاتورلاردىڭ كوپشىلىگى ونىڭ ءسوزىن قولدادى.
"قاراپايىم حالىق تا ويناعىسى كەلەدى. بارلىعى ءبىزدىڭ اقشاعا سالىنعان", "كەلىسەمىن. اقىرىنداپ بۇلار وزدەرىنىڭ "ەليتا" ەكەندەرىن كورسەتىپ جاتىر. حالىق ەسەبىنەن ەليتاعا ارنالعان نىساندار سالۋدى توقتاتۋ كەرەك", "مۇنىڭ بيۋدجەتپەن بايلانىسى بار ما، سالىقتار تولىق تولەنىپ جاتىر ما، سونى ءبىلۋ كەرەك" — دەلىنگەن پىكىرلەردە.
"ادىرنا" ۇلتتىق پورتالى.
