2024 جىلعى 6 قاراشادا وتكەن ۇكىمەت وتىرىسىندا يندۋستريا جانە قۇرىلىس ۆيتسە-ءمينيسترى قۋانىش قاجكەنوۆ تۇرعىن ءۇي الۋ بارىسىندا ەرەكشە قاجەتتىلىكتەرى بار ادامدار ءۇشىن قانداي ارتىقشىلىقتار قاراستىرىلعانىن ايتتى، دەپ حابارلايدى «ادىرنا» ۇلتتىق پورتالى.
قۋانىش قاجكەنوۆ تۇرعىن ءۇي ساياساتىن رەفورمالاۋ جۇمىستارى ءجۇرىپ جاتقانىن اتاپ ءوتتى.
«قازىرگى ۋاقىتتا الەۋمەتتىك وسال توپتار مەن مۇمكىندىگى شەكتەۋلى بالالاردى تاربيەلەپ وتىرعان وتباسىلارعا جانە I-II توپتاعى مۇگەدەكتىگى بار ادامدارعا بۇرىن بەرىلگەن جالعا بەرىلەتىن تۇرعىن ۇيلەردى ساتىپ الۋ قۇقىعىنسىز جەكەشەلەندىرۋ قۇقىعىن بەرۋ جونىندە وزگەرىستەر ەنگىزۋ قاراستىرىلۋدا. I-II توپتاعى مۇگەدەكتىگى بار ادامدار كوممۋنالدىق تۇرعىن ءۇيدى تەگىن جەكەشەلەندىرە الادى»، – دەدى قۋانىش قاجكەنوۆ.
ونىڭ ايتۋىنشا، مۇمكىندىگى شەكتەۋلى بالالارى بار نەمەسە ولاردى تاربيەلەپ وتىرعان وتباسىلارعا، سونداي-اق I-II توپتاعى مۇگەدەكتىگى بار ادامدارعا زاڭ جوباسى اياسىندا باسپانا الۋ كەزىندە ءبىرىنشى كەزەكتە قۇقىق بەرۋ قاراستىرىلعان. بۇل شارا مۇگەدەكتىگى بار ادامداردىڭ تۇرعىن ءۇي جاعدايىن جاقسارتۋعا مۇمكىندىك بەرەدى دەپ اتاپ ءوتتى.
