ءماجىلىس وتىرىسىندا دەپۋتات قاراقات ابدەن كىشكەنتاي بالاسى بار اتا-انالاردىڭ جۇمىس جاعدايىنا قاتىستى ماسەلە كوتەردى، دەپ حابارلايدى "ادىرنا" ۇلتتىق پورتالى.
دەپۋتاتتىڭ ايتۋىنشا، زاڭدا كورسەتىلگەنىنە قاراماستان، كوپتەگەن جۇمىس بەرۋشىلەر اتا-انالارعا قىسقارتىلعان جۇمىس ۋاقىتىن ۇسىنباي وتىر.
«كوپتەگەن انالاردىڭ ايتۋىنشا، ەڭبەك شارتىندا قىسقارتىلعان جۇمىس ۋاقىتى مۇلدە قاراستىرىلمايدى. وسىعان بايلانىستى سۇراعىم: ەڭبەك زاڭناماسى جۇمىس بەرۋشىنى كىشكەنتاي بالاسى بار اتا-اناعا قىسقارتىلعان جۇمىس ۋاقىتىن بەرۋگە مىندەتتەي مە؟ سونداي-اق، مينيسترلىك مۇنداي اتا-انالاردى ەڭبەك نارىعىندا قورعاۋ ءۇشىن قانداي شارالار قابىلداپ جاتىر؟» – دەپ سۇرادى دەپۋتات.
ەڭبەك جانە حالىقتى الەۋمەتتىك قورعاۋ ۆيتسە-ءمينيسترى جۇمىس كەستەسىن ەكى جاقتى كەلىسىم ارقىلى وزگەرتۋگە بولاتىنىن ايتتى.
«مىسالى، جۇمىس كۇنى تاڭعى سەگىزدە باستالىپ، بەسكە دەيىن جالعاسۋى مۇمكىن»، – دەدى اسقاربەك ەرتاەۆ.
ەگەر جۇمىس بەرۋشى جەڭىلدىك بەرۋدەن باس تارتسا، جۇمىسكەر مەملەكەتتىك ەڭبەك ينسپەكتسياسىنا شاعىمدانا الاتىنىن دا اتاپ ءوتتى.
