رەسەيلىك رەپەر ناۆاي باكيروۆ، ساحنالىق اتى Navai قوردايدا قاماۋعا الىندى، دەپ حابارلايدى “ادىرنا” ءتىلشىسى.
جامبىل وبلىستىق پد ءانشىنىڭ ەسىرتكى كونترابانداسى جانە ونى زاڭسىز ساقتاۋ كۇدىگىمەن ەكى ايعا قاماۋعا الىنعانىن حابارلادى. ءتيىستى بۇلتارتپاۋ شاراسىن جامبىل وبلىسى قورداي اۋدانىنىڭ سوتى تاڭدادى.
بۇعان دەيىن، 13 قازاندا، «قورداي» وتكىزۋ پۋنكتىندە قازاقستانعا كىرىپ كەلە جاتقان شەتەلدىك ورىنداۋشىنىڭ ۇستالعانى حابارلانعان. پوليتسيا قىزمەتكەرلەرى ۇقك شەكارا قىزمەتىمەن بىرلەسىپ جۇرگىزگەن تەكسەرۋ بارىسىندا رەپەر مىنگەن كولىكتەن ەسىرتكى زاتىن تاۋىپ، تاركىلەگەن.
بۇقارالىق اقپارات قۇرالدارىنىڭ مالىمەتىنشە، كولىكتەن 2,5 گرامم ماريحۋانا تابىلعان.
ۇقساس جاڭالىقتار
