كيەۆ پەن ماسكەۋ اراسىنداعى بەيبىت كەلىسىم ۋكراينانىڭ اۋماقتىق تۇتاستىعىنا نەگىزدەلگەن بولۋى ءتيىس. بۇل تۋرالى تۇركيانىڭ سىرتقى ىستەر ءمينيسترى حاكان فيدان Hürriyet گازەتىنە بەرگەن سۇقباتىندا ايتتى، دەپ حابارلايدى «ادىرنا» ءتىلشىسى.
ول بۇل سوعىستا رەسەي فەدەراتسياسىنىڭ دا، ۋكراينانىڭ دا رەسۋرستارى ايتارلىقتاي تاۋسىلعانىن اتاپ ءوتتى.
«ەكى ەل دە جەڭىلگىسى كەلمەيدى. بۇگىندە تۇرىك تاراپى ۋكراينا مەن رەسەي بيلىگى اراسىنداعى بايلانىس نۇكتەلەرىن ىزدەۋدى جالعاستىرىپ جاتىر. ءبىز قوس تاراپپەن دە ەرەكشە قارىم-قاتىناستامىز. ولاردى تىڭداۋدان باس تارتپايمىز. دەسە دە، دوس شىندىقتى ايتادى. ءبىز ءدال سولاي ىستەيمىز»،—دەدى مينيستر.
فيدان ەكى جاقتىڭ سوعىستاعى السىزدىگى 2025 جىلى «كۇتپەگەن جاڭا جاعدايعا اكەلۋى مۇمكىن» ەكەنىن مالىمدەپ، بۇل سوعىستى ادىلەتتى تۇردە توقتاتۋعا شاقىردى.
