قاشاعان مۇناي-گاز كەن ورنى تولىق قۋاتپەن جۇمىس ىستەۋگە كوشتى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«قاشاعاندا جاڭا كىرىس گاز سەپاراتورىن قوسۋ جانە پايدالانۋعا بەرۋ بويىنشا جوندەۋ جۇمىستارى ءوندىرىستى تولىق توقتاتا وتىرىپ، 2024 جىلعى 7-28 قازان ارالىعىندا جۇرگىزىلدى. جوندەۋدەن كەيىنگى دەڭگەيگە كەزەڭ-كەزەڭىمەن شىعۋ جوسپارلانىپ وتىر. 1 قاراشاداعى جاعداي بويىنشا ءوندىرىس 80%-عا قالپىنا كەلتىرىلدى»،—دەلىنگەن حابارلامادا.
رەسمي اقپاراتقا سۇيەنسەك، ەندى كەن ورنىندا كۇن سايىن 51 مىڭ توننا كومىرسۋتەك وندىرىلەتىن بولادى.
بۇعان دەيىن مينيسترلىك قاشاعان گازى ىشكى نارىققا جىبەرىلەتىنىن حابارلاعان بولاتىن.
