قازاقستاندىق سپورتشى، 17 جاستاعى جىبەك قۇلىمبەتوۆا دجيۋ-دجيتسۋ مەن گرەپپلينگتەن 11 دۇركىن الەم چەمپيونى اتاندى، دەپ حابارلايدى «ادىرنا» ۇلتتىق پورتالى.
جىبەك قۇلىمبەتوۆا 28 قازان مەن 4 قاراشا كۇندەرى ارالىعىندا ءوتىپ جاتقان گرەكيانىڭ يراكليون قالاسىنداعى دۇنيەجۇزىلىك دودادا Ju-jitsu newaza ءبولىمى بويىنشا ۇزدىك اتاندى. بۇل تۋرالى سپورتشى ءوزىنىڭ ينستاگرام پاراقشاسىندا جازدى.
اتالعان چەمپيوناتقا الەمنىڭ 56 ەلىنەن 2 031 سپورتشى قاتىسقان. جىبەك گرەكيا، يزرايل، فرانتسيا، ءباا جانە موڭعوليا ەلدەرىنەن كەلگەن قارسىلاستارىنان باسىم ءتۇسىپ، ءوزىنىڭ سالماعىندا تەڭدەسسىز ەكەندىگىن تاعى ءبىر دالەلدەدى.
جىبەك قۇلىمبەتوۆا قازاق ەلىندەگى قولداۋشىلارىنا العىسىن ءبىلدىرىپ، جەڭىسكە جەتكەنىنە قۋانىشتى ەكەندىگىن جازدى.
