2 قاراشاعا قاراعان ءتۇنى ۇشقىشسىز ۇشاقتار كيەۆتىڭ اۋە كەڭىستىگىنە ءوتىپ، سوققى جاسادى، دەپ حابارلايدى “ادىرنا” ۇلتتىق پورتالى.
سوققى سالدارىنان قالانىڭ بىرنەشە اۋماعىندا ءورت شىققان.
ۋكراينانىڭ توتەنشە جاعدايلار جونىندەگى مەملەكەتتىك قىزمەتى درونداردىڭ رەسەيگە تيەسىلى ەكەنىن حابارلاعان.
ۆۆس اقپاراتىنشا، شابۋىل سالدارىنان كيەۆ قالاسىنىڭ سۆياتوشينا اۋدانىنداعى 16 قاباتتى تۇرعىن ءۇيدىڭ جوعارعى ەكى قاباتىنداعى پاتەرلەردەن ءورت شىعىپ، ءىشىنارا قيراعان. قازا تاپقاندار مەن زارداپ شەككەندەر تۋرالى اقپارات جوق.
درونداردىڭ سىنعان بولشەكتەرىنىڭ جەرگە قۇلاۋى دنەپر ايماعىندا دا تىركەلىپتى. كيەۆ اسكەري باسقارماسىنىڭ مالىمەتىنشە، 9 قاباتتى تۇرعىن ءۇيدىڭ ءبىر قاباتىندا بالكون ورتەنگەن.
