قاراعاندىدا تeez ماركەتپلەيس ساۋدا-لوگيستيكالىق قويماسى جۇمىس ىستەي باستادى. بولاشاقتا مۇندا 8 مىڭ جاڭا جۇمىس ورنى اشىلىپ، شاعىن جانە ورتا بيزنەس قولداۋ الادى.
SARYARQA تەلەارناسىندا تىكەلەي ەفير بارىسىندا تۇرعىندار ەرماعانبەت بولەكپاەۆتان قويمانىڭ اشىلۋى ءوڭىر ەكونوميكاسىنا قالاي اسەر ەتەتىنىن سۇرادى. ءوڭىر باسشىسى جەرگىلىكتى وندىرۋشىلەر مەن كاسىپكەرلەر زاماناۋي قويما قىزمەتتەرىنە قول جەتكىزە الاتىنىن، بۇل تاۋارلاردى جەتكىزۋدى ەداۋىر جەدەلدەتەتىنىن جانە ولاردىڭ باسەكەگە قابىلەتتىلىگىن ارتتىراتىنىن اتاپ ءوتتى.
قويمادا 300 ادام جۇمىس ىستەيدى، جىل سوڭىنا دەيىن تاعى 200 ادام جۇمىسقا تۇرادى. مۇندا بارلىعى 8 مىڭ جۇمىس ورنىن اشۋ جوسپارلانۋدا.
– بۇدان باسقا، قاراعاندىدا ءىرى لوگيستيكالىق ورتالىقتىڭ بولۋى باسقا ينۆەستورلار مەن بيزنەس-قۇرىلىمداردىڭ نازارىن اۋدارۋى مۇمكىن. بۇل قولايلى ينۆەستيتسيالىق احۋالدى قالىپتاستىرادى جانە لوگيستيكا مەن ساۋداعا بايلانىستى قوسىمشا قىزمەتتەر اشۋ سياقتى بيزنەستەگى جاڭا باعىتتاردى دامىتۋعا مۇمكىندىك بەرەدى. ءوڭىر ستارتاپتار مەن حالىقارالىق كومپانيالار ءۇشىن تارتىمدى بولادى، بۇل ىسكەرلىك بەلسەندىلىكتىڭ وسۋىنە الىپ كەلەدى، – دەپ ەسەپتەيدى ەرماعانبەت بولەكپاەۆ.
حالىقارالىق لوگيستيكانى نىعايتۋداعى نەگىزگى قادامداردىڭ ءبىرى قاراعاندى "سارى-ارقا" اۋەجايى بازاسىندا مۋلتيمودالدى اەروحاب قۇرۋ. قاراعاندىلىق جۋرناليست ايماق باسشىسىنان جاڭا ينۆەستوردىڭ جوسپارلارى تۋرالى سۇرادى.
– اۋەجايعا جىلىنا 2 ملن جولاۋشى وتكىزۋ قابىلەتى بار جولاۋشىلار تەرمينالى، جىلىنا 50 مىڭ تونناعا دەيىن جۇك وڭدەۋ مۇمكىندىگى بار Cargo تerminal جۇك تەرمينالى كىرەدى. مەملەكەت باسشىسىنىڭ تاپسىرماسى اياسىندا بيىل ءبىز اۋەجايىمىزدىڭ بازاسىندا CargoHUB Karaganda مۋلتيمودالدى اەروحابىن قۇرۋ ماسەلەسىن پىسىقتاۋدى باستادىق. سونىمەن قاتار، اۋەجاي اۋماعىندا "سارىارقا" ارنايى ەكونوميكالىق ايماعىنىڭ سۋبزوناسى بولادى، – دەدى ەرماعانبەت بولەكپاەۆ.
"سارى-ارقا" اۋەجايىندا جۇك تاسىمالداۋ كولەمىن ۇلعايتۋعا باعىتتالعان جول كارتاسى ازىرلەندى. بۇعان اەا سۋبايماعى شەڭبەرىندە سالىقتىق جانە باسقا دا پرەفەرەنتسيالار الاتىن اەروحاب اۋماعىندا جاڭا كاسىپورىندار قۇرۋ ەسەبىنەن قول جەتكىزىلەتىن بولادى. وڭدەلەتىن جۇكتەردىڭ كولەمى جىلىنا 15 مىڭ توننادان 200 مىڭ تونناعا دەيىن وسەدى دەپ كۇتىلۋدە. وسىنىڭ ارقاسىندا 2030 جىلعا قاراي 2 مىڭعا جۋىق جاڭا جۇمىس ورنىن قۇرۋ جانە بيۋدجەتكە سالىق تۇسىمدەرىن ۇلعايتۋ جوسپارلانۋدا.
بۇگىنگى تاڭدا اۋەجاي ەكۆادوردان، نيدەرلاندىدان، بەلگيادان جانە وڭتۇستىك-شىعىس ازيادان كوممەرتسيالىق جۇك رەيستەرىنە قىزمەت كورسەتەدى. بولاشاقتا قىتاي – ەۋروپا – قىتاي باعىتى بويىنشا اۋە كەمەلەرىنىڭ تەحنيكالىق قونۋى ارتادى دەپ كۇتىلۋدە. بۇل اۋەجايدىڭ لوگيستيكالىق مۇمكىندىكتەرىن كەڭەيتەدى جانە ونىڭ ماڭىزدى كولىك تورابى رەتىندەگى مارتەبەسىن نىعايتادى.
