توقاەۆ 5 جىلعا جەتپەي كەتۋى مۇمكىن...

2585

جالپى سانى قازاقستاندا 28 جىلدا 10 پرەمەر-مينيستر اۋىسىپتى. ءار 2-3 جىلدا ءبىر پم اۋىسىپ وتىرعان.

ەلباسىنىڭ پسيحولوگيالىق پورترەتىن تالداساق ول كىسى ەشكىمگە سەنبەيدى. جوعارى بيلىك تىزگىنى قولىندا بار ازاماتتى ءبىر پوزيتسيادا ۇزاق ۇستامايدى. مينيسترلەر كابينەتىن ەڭ ۇزاق باسقارعان (8 جىل) كاريم ماسيموۆ. سەبەبى تۇسىنىكتى دەپ ويلايمىن.

مەنىڭ ويىمشا توقاەۆتىڭ كەلەسى سايلاۋعا تۇسە قويۋى ەكىتالاي. ەگەر جوسپاردان تىس قيمىلداي باستاسا 5 جىلعا جەتپەي دە كەتۋى مۇمكىن. ەلباسى ساياسي كۇشىن ساقتاۋى ءۇشىن حالىق پەن ەليتا ۇيرەنە باستاعان پرەزيدەنتتى ەكىنشى رەت سايلاۋعا تۇسىرمەيدى. 2024 جىلى پرەزيدەنتتىككە توقاەۆتىڭ ورنىنا باسقا كانديدات شىعادى دەپ ويلايمىن. بۇل ءبىرىنشى ستسەناري.

ەكىنشى ستسەناري - ءبىزدىڭ ساياسي جۇيە تولىق پارلامەنتتىك باسقارۋعا كوشىپ پم باستى تۇلعا بولادى. پارتيانىڭ رۋحاني باسشىسى رەتىندە ەلباسى ءوزى تاعايىنداعان اداممەن ۇكىمەتتى، پارلامەنتتى ارمەن قاراي دا باسقارا بەرەدى. پرەزيدەنت قازىرگى ءبىزدىڭ تۇسىنىگىمىزدەگى پوزيتسيادان تولىق كەتىپ سيمۆولدىق تۇلعاعا اينالادى.

نەگىزى ساياسي ينستيتۋتتار جۇمىس ىستەمەيتىن ەلدە بولجاۋ قيىن. ءبىر كىسىگە ءبارى تىرەلگەن جاعدايدا وتىرمىز. ول كىسىنىڭ ويىندا نە بارىن ەشكىم تولىق بىلمەيدى. بىراق سول كىسىنىڭ پسيحولوگيالىق پورترەتىن تالداپ قانا جوبالاۋعا بولادى. نە بولسا دا ءبىر نارسە انىق. ەلباسىنىڭ دەنساۋلىعى بولىپ تۇرعاندا بىزدە نە مىقتى پرەزيدەنت، نە ساياسي كۇشى بار پم، نە ەلدىڭ الدىندا بەدەلى بار پارلامەنت بولمايدى.

سوندىقتان توقاەۆتان ءۇمىت كۇتكەنشە قۇداي ءوزى كەشىرسىن تابيعاتتىڭ زاڭىنان ءۇمىت كۇتكەن اقىلدىراق.

باۋىرجان سەرىكباەۆ

"ادىرنا" ۇلتتىق پورتالى

پىكىرلەر