Toqaev 5 jylǵa jetpeı ketýi múmkin...

2578

Jalpy sany Qazaqstanda 28 jylda 10 premer-mınıstr aýysypty. Ár 2-3 jylda bir PM aýysyp otyrǵan.

Elbasynyń psıhologııalyq portretin taldasaq ol kisi eshkimge senbeıdi. Joǵary bılik tizgini qolynda bar azamatty bir pozıııada uzaq ustamaıdy. Mınıstrler kabınetin eń uzaq basqarǵan (8 jyl) Karım Masımov. Sebebi túsinikti dep oılaımyn.

Meniń oıymsha Toqaevtyń kelesi saılaýǵa túse qoıýy ekitalaı. Eger jospardan tys qımyldaı bastasa 5 jylǵa jetpeı de ketýi múmkin. Elbasy saıası kúshin saqtaýy úshin halyq pen elıta úırene bastaǵan prezıdentti ekinshi ret saılaýǵa túsirmeıdi. 2024 jyly prezıdenttikke Toqaevtyń ornyna basqa kandıdat shyǵady dep oılaımyn. Bul birinshi senarıı.

Ekinshi senarıı - bizdiń saıası júıe tolyq Parlamenttik basqarýǵa kóship PM basty tulǵa bolady. Partııanyń rýhanı basshysy retinde Elbasy ózi taǵaıyndaǵan adammen úkimetti, Parlamentti ármen qaraı da basqara beredi. Prezıdent qazirgi bizdiń túsinigimizdegi pozıııadan tolyq ketip sımvoldyq tulǵaǵa aınalady.

Negizi saıası ınstıtýttar jumys istemeıtin elde boljaý qıyn. Bir kisige bári tirelgen jaǵdaıda otyrmyz. Ol kisiniń oıynda ne baryn eshkim tolyq bilmeıdi. Biraq sol kisiniń psıhologııalyq portretin taldap qana jobalaýǵa bolady. Ne bolsa da bir nárse anyq. Elbasynyń densaýlyǵy bolyp turǵanda bizde ne myqty prezıdent, ne saıası kúshi bar PM, ne eldiń aldynda bedeli bar Parlament bolmaıdy.

Sondyqtan Toqaevtan úmit kútkenshe qudaı ózi keshirsin tabıǵattyń zańynan úmit kútken aqyldyraq.

Baýyrjan SERIKBAEV

"Adyrna" ulttyq portaly

Pikirler