پرەزيدەنت قاسىم-جومارت توقاەۆ قوسىمشا بەس پايىزدىق زەينەتاقى اۋدارىمدارىن ەنگىزۋ ماسەلەسىن 2023 جىلعا دەيىن قالدىردى، - دەپ حابارلايدى Tengrinews.kz تىلشىسى.
بۇل تۋرالى توقاەۆ پارلامەنتتىڭ بىرىككەن وتىرىسىنىڭ VI شاقىرىلىمىنىڭ 5-سەسسياسى بارىسىندا ايتتى.
"ۇكىمەتكە قوسىمشا بەس پايىزدىق زەينەتاقى اۋدارىمدارىن ەنگىزۋ ماسەلەسىن 2023 جىلعا دەيىن قالدىرۋدى تاپسىرامىن. كەيىنىرەك وسى ماسەلەگە تاعى ورالامىز. سول ۋاقىتقا دەيىن ۇكىمەتتەگىلەر، بيزنەس وكىلدەرى جانە ساراپشىلار ءبىر كەلىسىمگە كەلۋى كەرەك", - دەدى مەملەكەت باسشىسى قازاقستان حالقىنا جولداۋىنا.
ەسكە سالايىق، مۇنىڭ الدىندا پرەزيدەنتتىڭ بۇگىن، 2 قىركۇيەكتە حالىققا جولداۋ جاريالاپ، وندا ىشكى ساياسي ماسەلەلەر، ازاماتتاردىڭ قۇقىقتارى مەن بوستاندىقتارىن قورعاۋ، ەكونوميكانى جاڭعىرتۋ، حالىقتى الەۋمەتتىك قامسىزداندىرۋ ماسەلەلەرى ايتىلاتىنى حابارلانعان ەدى.
مەملەكەت باسشىسىنىڭ ءباسپاسوز قىزمەتىنىڭ جەتەكشىسى بەرىك ءۋاليدىڭ ايتۋىنشا، جولداۋ بۇگىن ساعات 11:00-دە پارلامەنت پالاتالارىنىڭ بىرلەسكەن وتىرىسىندا جاريالانىپ، ساعات 15:00-دە بارلىق رەسپۋبليكالىق تەلەارنادان كورسەتىلەدى.
"ادىرنا" ۇلتتىق پورتالى
