Prezıdent Qasym-Jomart Toqaev qosymsha bes paıyzdyq zeınetaqy aýdarymdaryn engizý máselesin 2023 jylǵa deıin qaldyrdy, - dep habarlaıdy Tengrinews.kz tilshisi.
Bul týraly Toqaev Parlamenttiń birikken otyrysynyń VI shaqyrylymynyń 5-sessııasy barysynda aıtty.
"Úkimetke qosymsha bes paıyzdyq zeınetaqy aýdarymdaryn engizý máselesin 2023 jylǵa deıin qaldyrýdy tapsyramyn. Keıinirek osy máselege taǵy oralamyz. Sol ýaqytqa deıin úkimettegiler, bıznes ókilderi jáne sarapshylar bir kelisimge kelýi kerek", - dedi Memleket basshysy Qazaqstan halqyna joldaýyna.
Eske salaıyq, munyń aldynda Prezıdenttiń búgin, 2 qyrkúıekte halyqqa Joldaý jarııalap, onda ishki saıası máseleler, azamattardyń quqyqtary men bostandyqtaryn qorǵaý, ekonomıkany jańǵyrtý, halyqty áleýmettik qamsyzdandyrý máseleleri aıtylatyny habarlanǵan edi.
Memleket basshysynyń baspasóz qyzmetiniń jetekshisi Berik Ýálıdiń aıtýynsha, Joldaý búgin saǵat 11:00-de Parlament palatalarynyń birlesken otyrysynda jarııalanyp, saǵat 15:00-de barlyq respýblıkalyq telearnadan kórsetiledi.
"Adyrna" ulttyq portaly
