گرۋزياداعى پارلامەنتتىك سايلاۋدا «گرۋزين ارمانى» بيلەۋشى پارتياسى جەڭىسكە جەتتى. ەلدىڭ ورتالىق سايلاۋ كوميسسياسىنىڭ مالىمەتتەرى بويىنشا، ۋچاسكەلەردىڭ 99 پايىزىنان استامىنىڭ بيۋللەتەندەرى سانالىپ، «گرۋزين ارمانى» 54 پايىزدان استام داۋىس جيناعان، دەپ حابارلايدى «ادىرنا» ۇلتتىق پورتالى Euronews-كە سىلتەمە جاساپ.
سونداي-اق، وسك مالىمەتىنشە، پارلامەنتكە ءتورت وپپوزيتسيالىق پارتيا وتەدى: «كواليتسيا اۋىسۋى» – 10,80 پايىز، «بىرلىك – ۇلتتىق قوزعالىس» – 10,09 پايىز، «مىقتى گرۋزيا» – 8,75 پايىز جانە «گاحاريا – گرۋزيا ءۇشىن» – 7,75 پايىز.
سونىمەن قاتار، بيلەۋشى پارتيانىڭ تبيليسيدە، باسقا ءىرى قالالاردا جانە شەتەلدىك سايلاۋ ۋچاسكەلەرىندە جەڭىلىس تاپقانى حابارلاندى.
ال وپپوزيتسيا سايلاۋ ناتيجەلەرىنىڭ بۇرمالانعانىن مالىمدەدى. پارلامەنتكە وتكەن ءتورت پارتيانىڭ ۇشەۋى سايلاۋ ناتيجەلەرىن مويىندامايتىنىن ايتىپ، جەكسەنبىدەن باستاپ مەرزىمسىز نارازىلىق اكتسيالارىن جاريالادى.
ەگەر سايلاۋ ناتيجەلەرى بەكىتىلسە، «گرۋزين ارمانى» پارتياسى 150 ورىندىق پارلامەنتتە ءابسوليۋتتى كوپشىلىككە يە بولادى.
«گرۋزين ارمانى» پارتياسىنىڭ نەگىزىن قالاۋشى، ميللياردەر بيدزينا يۆانيشۆيلي جانە پرەمەر-مينيستر كوباحيدزە گرۋزيا 2030 جىلعا قاراي ءبىرتۇتاس ەۋروپاعا كىرە الادى دەپ، ەو-مەن قارىم-قاتىناستى قالپىنا كەلتىرۋگە ۋادە بەردى.
