Grýzııadaǵy parlamenttik saılaýda «Grýzın armany» bıleýshi partııasy jeńiske jetti. Eldiń Ortalyq saılaý komıssııasynyń málimetteri boıynsha, ýchaskelerdiń 99 paıyzynan astamynyń bıýlletenderi sanalyp, «Grýzın armany» 54 paıyzdan astam daýys jınaǵan, dep habarlaıdy «Adyrna» ulttyq portaly Euronews-ke silteme jasap.
Sondaı-aq, OSK málimetinshe, parlamentke tórt oppozıııalyq partııa ótedi: «Koalıııa aýysýy» – 10,80 paıyz, «Birlik – ulttyq qozǵalys» – 10,09 paıyz, «Myqty Grýzııa» – 8,75 paıyz jáne «Gaharııa – Grýzııa úshin» – 7,75 paıyz.
Sonymen qatar, bıleýshi partııanyń Tbılısıde, basqa iri qalalarda jáne sheteldik saılaý ýchaskelerinde jeńilis tapqany habarlandy.
Al oppozıııa saılaý nátıjeleriniń burmalanǵanyn málimdedi. Parlamentke ótken tórt partııanyń úsheýi saılaý nátıjelerin moıyndamaıtynyn aıtyp, jeksenbiden bastap merzimsiz narazylyq akııalaryn jarııalady.
Eger saılaý nátıjeleri bekitilse, «Grýzın armany» partııasy 150 oryndyq parlamentte absolıýtti kópshilikke ıe bolady.
«Grýzın armany» partııasynyń negizin qalaýshy, mıllıarder Bıdzına Ivanıshvılı jáne Premer-mınıstr Kobahıdze Grýzııa 2030 jylǵa qaraı birtutas Eýropaǵa kire alady dep, EO-men qarym-qatynasty qalpyna keltirýge ýáde berdi.
