قر ۇكىمەتىنىڭ قاۋلىسىمەن شولپان تاڭاتقىزى كارينوۆا قر ءبىلىم جانە عىلىم ۆيتسە-ءمينيسترى لاۋازىمىنا تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتىنەن حابارلادى. شولپان كارينوۆا 1972 جىلى دۇنيەگە كەلگەن. 1994 جىلى ش. ءۋاليحانوۆ اتىنداعى كوكشەتاۋ پەداگوگيكالىق ينستيتۋتىن «قازاق مەكتەبىندەگى ورىس ءتىلى مەن ادەبيەتى ءپانىنىڭ مۇعالىمى» ماماندىعى بويىنشا، 2016 جىلى ومبى مەملەكەتتىك پەداگوگيكالىق ۋنيۆەرسيتەتىندە (رەسەي) «پەداگوگيكالىق ءبىلىم» باعىتى بويىنشا ماگيستراتۋرانى تامامداعان. ەڭبەك جولىن 1994 جىلى اۋىل مەكتەبىنىڭ مۇعالىمى بولىپ باستاعان، كوللەدج وقىتۋشىسى، مەكتەپ ديرەكتورى قىزمەتتەرىن اتقارعان. 2005–2008 جىلدارى — سولتۇستىك قازاقستان وبلىسى تايىنشا اۋدانىنىڭ ءبىلىم ءبولىمىنىڭ باسشىسى. 2009–2012 جىلدارى — سولتۇستىك قازاقستان وبلىسىنىڭ ءبىلىم باسقارماسى باسشىسىنىڭ ورىنباسارى. 2012 جىلعى مامىردا پەتروپاۆل قالاسى اكىمىنىڭ الەۋمەتتىك ماسەلەلەر جونىندەگى ورىنباسارى بولىپ تاعايىندالدى. 2013 جىلعى شىلدە مەن 2017 جىل ارالىعىندا — سولتۇستىك قازاقستان وبلىسىنىڭ ءبىلىم باسقارماسىنىڭ باسشىسى. 2017–2018 جىلدارى — قر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى بولىپ قىزمەت اتقارعان. 2018 جىلعى قازاننان باستاپ قازىرگى تاڭعا دەيىن «نازارباەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعى ديرەكتورىنىڭ ورىنباسارى قىزمەتىن اتقاردى.
"ادىرنا" ۇلتتىق پورتالى
