Atyraý oblysynda jeńil kólik apatqa ushyrap, tórt adam qaza tapty, dep habarlaıdy “Adyrna” ulttyq portaly.
Oblystyq PD qaıǵyly oqıǵadan eki saǵat buryn dál osy Daewoo Nexia júrgizýshisine jolda saq bolý týraly eskertý jasalǵanyn habarlady.
26 qazanda tańǵy saǵat 4:00 shamasynda Atyraý — Oral tas jolynda Atyraý oblysy PD patrýldik polıııa rotasynyń qyzmetkerleri reseılik nómiri bar Daewoo Nexia avtokóligin toqtatqan. Júrgizýshige jol qozǵalysy erejelerin buzǵany úshin ákimshilik hattama toltyrylyp, túngi ýaqytta erekshe saqtyqty saqtaý qajet ekeni eskertilgen.
Alaıda, eki saǵattan keıin, sol jolda 38 jastaǵy júrgizýshi kólikti basqara almaı, qarsy jolaqqa shyǵyp ketip, júk kóligimen soqtyǵysqan.
Jol apaty saldarynan Daewoo Nexia júrgizýshisi men onyń úsh jolaýshysy oqıǵa ornynda qaza tapty. Jeńil kólik órtenip ketti.
