اقمولا وبلىسى استانانىڭ اينالاسىندا ازىق-تۇلىك بەلدەۋىن قۇرۋدىڭ نەگىزگى بۋىنى بولىپ سانالادى جانە رەسپۋبليكاداعى ءداندى داقىلداردىڭ تورتتەن ءبىر بولىگىنەن استامىن وندىرەدى. وسىنداي ۇرانمەن ەلوردادا ءوڭىر تاۋار وندىرۋشىلەرىنىڭ قاتىسۋىمەن ءداستۇرلى اۋىل شارۋاشىلىعى جارمەڭكەسى ءوتىپ جاتىر. اگرارشىلاردىڭ سورەلەرىندە ايماقتىڭ بەتكە ۇستار كاسىپورىندارى ۇسىنعان 40-تان استام ازىق-تۇلىك ءتۇرى قويىلدى.
اقمولالىق وندىرۋشىلەر ەلورداعا بارلىعى 300 توننادان استام ءونىم الىپ كەلدى. جارمەڭكەدەگى ءونىم باعاسى نارىقتاعىدان 10-15 پايىزعا تومەن.
«ءبىزدىڭ ونىمىمىزگە 20 جىلدان استام ۋاقىت بويى سۇرانىس جوعارى. ءبىز ەت جانە ەت ونىمدەرىن وندىرۋمەن اينالىسامىز»، – دەپ ءبولىستى بۋراباي اۋدانىنىڭ «جاس» جشس باسشىسى زاۋرە عالياقپاروۆا.
جارمەڭكە تيىمدىلىگىن ەلوردالىق تۇرعىنداردىڭ ۇسىنىلعان ءونىمنىڭ ساپاسى، كەڭ اسسورتيمەنتى جانە قولجەتىمدى باعالارى تۋرالى وڭ پىكىرى دالەلدەيدى. استانا قالاسىنىڭ تۇرعىنى كۇلاش قوجاحمەتوۆا جارمەڭكەگە جىل سايىن كەلەدى.
«بۇگىن وتباسىما ۇناعان اقمولالىق وندىرۋشىلەردىڭ ەت جانە ءسۇت ونىمدەرىن ساتىپ الا العانىما قۋانىشتىمىن. باعالار مەن اسسورتيمەنت كوڭىلىمنەن شىقتى»، – دەپ ءبولىستى ك.قوجاحمەتوۆا.
وبلىس اكىمى مارات احمەتجانوۆ جارمەڭكەگە العاشقىلاردىڭ ءبىرى بولىپ كەلىپ، ۇسىنىلعان ونىمدەر اسسورتيمەنتىمەن تانىسىپ، استانالىقتاردىڭ تىلەگىن تىڭدادى.
«دەمالىس كۇنگى جارمەڭكەلەردى» وتكىزۋ الەۋمەتتىك ماڭىزى بار ازىق-تۇلىك باعاسىن تۇراقتاندىرۋعا جانە حالىقتى نارىقتاعىدان 10-15% تومەن باعامەن تابيعي ازىق-تۇلىكپەن قامتاماسىز ەتۋگە وڭ اسەر ەتەدى. بۇل فەرمەرلەر ءۇشىن دە ءتيىمدى، ويتكەنى دەلدالدار سانى ەداۋىر ازايادى»، – دەپ اتاپ ءوتتى وبلىس اكىمىنىڭ ورىنباسارى مۇرات بالپان.
اقمولا وبلىسى – تۇرعىندارعا ونىمدەردى جەتكىزۋدە كومەك كورسەتەتىن ەرىكتىلەرى بار جالعىز ءوڭىر.
جارمەڭكەدەگى ەرىكتىلەر قىزمەتى داستۇرگە اينالىپ كەلەدى. بۇل جولى دا ەلوردا تۇرعىندارىنىڭ ساتىپ العان ونىمدەرىن ارتىپ-تيەۋگە جانە تاسىمالداۋعا كومەكتەسكەن 50-دەن استام جاس ۆولونتەر كەلدى. سونداي-اق، كەلۋشىلەردىڭ نازارىنا ءوڭىر ارتىستەرىنىڭ قاتىسۋىمەن كونتسەرتتىك باعدارلاما ۇسىنىلدى.
ايتا كەتەيىك، اقمولا وبلىسى قازاقستاننىڭ اگروونەركاسىپتىك كەشەنىنە تۇراقتى تۇردە ەلەۋلى ۇلەس قوسىپ، رەسپۋبليكا بويىنشا ءداندى داقىلداردىڭ كوپ بولىگىن قامتاماسىز ەتەدى. بيىل ءوڭىر 6,6 ميلليون توننا استىق جيناپ، ەلدىڭ استىق ورتالىعى مارتەبەسىن تاعى دا دالەلدەدى.
