بۇگىن رەسپۋبليكا كۇنىنە وراي وبلىس اكىمى بەيبىت يساباەۆ ار سالادا ەسەلى ەڭبەك ەتكەن قىرىقتان استام جەتىسۋلىق ازاماتقا مەملەكەتتىك ناگرادالار تاپسىردى. ماراپاتتار تالدىقورعانداعى ب. ريموۆا اتىنداعى دراما تەاترىندا وتكەن سالتاناتتى جيىندا بەرىلدى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
كوپشىلىكتى مەرەكەمەن قۇتتىقتاعان وبلىس اكىمى ەل دامۋىنداعى جەتىسۋلىقتاردىڭ ەسەلى ەڭبەگىن اتاپ ءوتىپ، ءوڭىردىڭ الەۋمەتتىك-ەكونوميكالىق دامۋىنا توقتالدى:
- ەلىمىزدىڭ ۇلىق مەرەكەسى رەسپۋبليكا كۇنى – تاۋەلسىزدىگىمىزدىڭ ءتۇپ-باستاۋىندا تۇرعان، ەلدىگىمىز بەن بىرلىگىمىزدىڭ باستى قۇندىلىعىن ايشىقتايتىن قاستەرلى مەرەكە. پرەزيدەنتىمىز قاسىم-جومارت كەمەلۇلى توقاەۆتىڭ باستاماشىلدىعىمەن ەلىمىز جۇيەلى وزگەرىستەر مەن وركەندى ىستەرگە، جاڭا قۇندىلىقتار مەن رۋحاني-ادامگەرشىلىك باعدارلارعا، قۇقىعى مەن مۇمكىندىگى تەڭ قوعام قۇرۋعا بەت الدى. ءبىز قاي كەزدە دە العا قويعان ماقساتتارىمىزعا ادال ەڭبەكتىڭ، ءوزارا تۇسىنىستىك پەن جاراسىمنىڭ ارقاسىندا جەتىپ كەلەمىز. وبلىسىمىز وتكەن جىلدى جاقسى كورسەتكىشتەرمەن قورىتىندىلاپ، ەلىمىز بويىنشا الدىڭعى قاتاردان كورىنسە، بيىل دا سول تۇراقتى دامۋدى ساقتاپ، وتكەن 9 ايدا رەسپۋبليكا كولەمىندە جوعارى – 114,4% قىسقا مەرزىمدى ەكونوميكالىق ينديكاتورعا قول جەتكىزدى. قۇرىلىس جۇمىستارىنىڭ كولەمى 1,4 ەسەگە ارتىپ، 228 مىڭنان استام شارشى مەتر تۇرعىن ءۇي قولدانىسقا بەرىلدى. وبلىستا اۋىز سۋ، جول، گاز سەكىلدى ينجەنەرلىك ينفراقۇرىلىمداردى جاقسارتۋ شارالارى قارقىندى جۇرۋدە. قولعا الىنعان يگى وزگەرىستەردىڭ شىن مانىندە جۇزەگە اسىرىلىپ جاتقانىنا حالىقتىڭ ءوزى كۋا بولىپ وتىر، - دەپ اتاپ ءوتتى ب. يساباەۆ.
ءوڭىر باسشىسى ءوز سوزىندە وسى مەرەكە قارساڭىندا ءۇش بىردەي جەرلەسىمىز ەل پرەزيدەنتىنىڭ قولىنان مەملەكەتتىك ماراپات العانىن ريزاشىلىقپەن جەتكىزدى.
- ادىلدىك پەن اشىقتىقتى، ادالدىق پەن ەڭبەكقورلىقتى بەرىك ىرگەتاس ەتكەن يدەولوگيالىق تۇعىرناما – ءبىزدىڭ باستى باعدارىمىز. «وتان – قۋات، وتباسى – شۋاق» دەيدى حالقىمىز. بۇل رەتتە ەلىمىزدىڭ ەڭسەلى دە قۋاتتى بولۋىنا ءاربىر ازامات ءوز ۇلەسىن قوسۋى ءتيىس. سول سياقتى قوعامدى جاڭعىرتۋعا باعىتتالعان جاڭا رەفورمالاردى ىسكە اسىرۋدىڭ يگىلىگى دە، جاۋاپكەرشىلىگى دە بارىمىزگە ورتاق. «تۇيىرشىكتەن تاۋ قۇرالادى»، - دەگەندەي، جەتىستىكتەرىمىزدىڭ بارىندە سىزدەردىڭ ارقايسىلارىڭىزدىڭ ۇلەستەرىڭىز بار ەكەنىن ريزاشىلىقپەن ايتامىن، - دەگەن ب.يساباەۆ بۇدان ءارى مەملەكەتتىك ناگرادالار تاپسىرۋ راسىمىنە كوشتى.
اتاپ ايتساق، «قۇرمەت»، «پاراسات»، ءىىى دارەجەلى «ەڭبەك داڭقى» وردەندەرىمەن، «ەرلىگى ءۇشىن»، «ەرەن ەڭبەگى ءۇشىن»، «شاپاعات» مەدالدارىمەن، سول سياقتى قازاقستان حالقى اسسامبلەياسىنىڭ «بىرلىك» مەدالىمەن وبلىستاعى ونەركاسىپ، اۋىل شارۋاشىلىعى، تەمىر جول، كوممۋنالدىق شارۋاشىلىق، سپورت، دەنساۋلىق ساقتاۋ، ءبىلىم بەرۋ، مادەنيەت، الەۋمەتتىك قورعاۋ جانە باسقا دا سالالاردا جەمىستى جۇمىس ىستەگەن قاراپايىم ەڭبەك ادامدارى ماراپاتتالدى. سولاردىڭ قاتارىندا «تالدىقورعانجىلۋسەرۆيس» شجق مكك ەكسكاۆاتور جۇرگىزۋشىسى قاجىمۇقان بۇكپىنوۆ، «اقسۋ جسك» جشس تراكتورشىسى جاسۇلان بيمولدانوۆ، ماتاي ستانتسياسىندا تەمىرجولشىلار اۋلەتىنىڭ نەگىزىن سالۋشى ەڭبەك ارداگەرى دانيال بالاۋبەكوۆ، وبلىستىق دانەش راقىشەۆ اتىنداعى فيلارمونياسىنىڭ جەكە داۋىستاعى ءانشىسى بەيبىت مۇساەۆ، «پانفيلوۆ سۋ قۇبىرى» مكقك سورعى ستانتسياسىنىڭ ءماشينيسى الەكساندر بۋرگارت، قاراتال اۋدانىنداعى مەكتەپ جانىنداعى ينتەرناتى بار № 13 ورتا مەكتەپتىڭ مۇعالىمى سالتانات نايزابەكوۆا، «شاپاعات» تەكەلى ارناۋلى الەۋمەتتىك قىزمەت كورسەتۋ ورتالىعىنىڭ مەيىربيكەسى نادەجدا پيۆوۆاروۆا، «مەيىرىم» جاركەنت ارناۋلى الەۋمەتتىك قىزمەت كورسەتۋ ورتالىعىنىڭ مامانى ماحاببات سابدەنبەكوۆا جانە باسقا دا ازاماتتار بار.
وسى سالتاناتتى جيىندا ەڭبەك ارداگەرى، كسرو «سوتسياليستىك ەڭبەك ەرى» كۇلاش ايتجانوۆاعا، قازاق كسر حالىق ءارتىسى، مەملەكەتتىك سىيلىقتىڭ لاۋرەاتى نۇرجۇمان ىقتىمباەۆقا، مەملەكەت قايراتكەرى، زاڭ عىلىمدارىنىڭ دوكتورى، پروفەسسور، اكادەميك ءومىرالى جالايريگە، «قازاقستان ءماسليحاتتارى دەپۋتاتتارىنىڭ بىرلەستىگى» رقب توراعاسى تولەۋبەك مۇقاشەۆكە، بىرنەشە شارۋا قوجالىقتارى بىرلەستىكتەرىن قۇرعان «گەرمان نام» كومپانياسىنىڭ باسشىسى گەرمان نامعا، «ZHERSU» ينۆەستيتسيالىق- وندىرىستىك كورپوراتسياسىنىڭ باقىلاۋ كەڭەسىنىڭ توراعاسى باۋىرجان وسپانوۆقا، «الاتسەم» جشC ديرەكتورىنىڭ ورىنباسارى ستانيسلاۆ ششەرباكوۆقا «جەتىسۋ وبلىسىنىڭ قۇرمەتتى ازاماتى»، كينو جانە تەاتر اكتريساسى، ب. ريموۆا اتىنداعى دراما تەاترىنىڭ اكتريساسى ءاليحان ىدىرىشەۆاعا «قازاقستاننىڭ حالىق ءارتىسى» اتاقتارى بەرىلدى.
ماراپاتتالۋشىلار اتىنان ءسوز سويلەگەن سوتسياليستىك ەڭبەك ەرى كۇلاش ايتجانوۆا:
- بىز بۇگىنگى كۇنگە جەتكەنشە سان قيلى جولداردان وتتىك. جاڭا ءبولىنىپ شىققان جەتىسۋ وبلىسىنىڭ جەتكەن جەتىستىكتەرىنىڭ ءبارىن دە حالىقتىڭ ىنتىماعىنىڭ، ەڭبەكسۇيگىشتىگىنىڭ ارقاسى دەي الامىز. ەندىگى جەردە جاستارىمىز ءبىلىمدى، بىلىكتى، الدىڭعى تولقىن اعالارىنىڭ جولىن جالعايتىن ابزال ازاماتتار بولسىن. ەلىمىز ءوسىپ-وركەندەي بەرسىن! – دەدى ك. ايتجانوۆا.
مەملەكەتتىك ماراپات العان قاتارداعى ەڭبەككەرلەردىڭ ءبىرى «اقسۋ جسك» جشس تراكتورشىسى جاسۇلان بيمولدانوۆ پىكىر ءبولىستى:
- اگرارلىق سالادا جۇمىس ىستەپ كەلە جاتقانىما 15 جىلداي بولدى، شارۋاشىلىقتا تراكتور جۇرگىزەمىن. وسى ۋاقىت ارالىعىندا اۋىل شارۋاشىلىعى تەحنيكالارىنىڭ ءبارىنىڭ ءتىلىن مەڭگەردىم دەسەم ارتىق ايتقاندىق ەمەس. مەن ءوزىمنىڭ وسى كاسىبىممەن وبلىستىڭ اگرارلىق سالاسىنىڭ دامۋىنا ۇلەس قوسىپ ءجۇرمىن دەپ ويلايمىن. بۇگىن ماعان «ەرەن ەڭبەگى ءۇشىن» مەدالى بەرىلدى. بۇل مەن ءۇشىن كۇتپەگەن جاڭالىق، ەڭبەگىمنىڭ ەلەنگەنىنە قۋانىشتىمىن. جەرلەستەرىمدى مەرەكەمەن قۇتتىقتايمىن، - دەدى ج. بيمولدانوۆ.
قازاقستاننىڭ حالىق ءارتىسى، ب. ريموۆا اتىنداعى تالدىقورعان دراما تەاترىنىڭ اكتريساسى، «پاراسات» وردەنىنىڭ يەگەرى الماحان كەنجەبەكوۆا كوپشىلىككە ارناپ تىلەگىن ءبىلدىردى:
- بۇگىن - ەلىمىز ءۇشىن ۇلىق مەرەكە. وسى قۋانىشتى كۇن اياسىندا وبلىسىمىزدىڭ بىرقاتار ازاماتتارى مەملەكەتتىك ناگرادالار الىپ، ەڭبەك ادامدارىنا قۇرمەت كورسەتىلىپ جاتىر. بارشا ماراپات يەلەرىن، كۇللى جەتىسۋلىقتاردى مەرەيلى مەرەكەمەن قۇتتىقتايمىن. ەلىمىزدىڭ ەڭسەسى تىك، ىرگەسى بەرىك، بولاشاعى باياندى بولسىن، - دەدى ول.
سالتاناتتى شارا مەرەكەلىك كونتسەرتتىك باعدارلامامەن جالعاستى.
ەسكە سالساق، مەرەكە قارساڭىندا استانادا «قاينار-اكب» جشس باس ديرەكتورى ەربول اجماعامبەتوۆ، «كەڭ دالا» شق باسشىسى قاليبەك الپىسباەۆ «قۇرمەت» وردەنىن، شوقان ءۋاليحانوۆ اتىنداعى «التىنەمەل» مەموريالدى مۋزەيىنىڭ مەڭگەرۋشىسى مارال راحاتوۆا «شاپاعات» مەدالىن مەملەكەت باسشىسى ق. توقاەۆتىڭ قولىنان، وبلىستىق ءماسليحاتتىڭ دەپۋتاتى، «اسار» سپورتتىق-وڭالتۋ ورتالىعىنىڭ جەتەكشىسى ەلدوس بايالىشباەۆ «ەرەن ەڭبەگى ءۇشىن» مەدالىن قر پارلامەنتى ءماجىلىسىنىڭ توراعاسى ە. قوشانوۆتىڭ قولىنان الدى.
